பெங்களூரு, ஆக. 4– 2035ஆம் ஆண்டு விண்வெளி நிலையம் அமைக்கப்படும், 2040இல் நிலவுக்கு மனிதர்கள் பயணம் செல் வார்கள் என்று இஸ்ரோ தலைவர் வி.நாராயணன் தெரிவித்தார்.
இந்தியாவின் சொந்த விண்வெளி நிலையத்தை 2035ஆம் ஆண்டுக்குள் அமைப்பதற்கும், 2040ஆம் ஆண்டுக்குள் இந்திய ராக்கெட் மூலம் இந்தியரை நிலவுக்கு அனுப்புவதற்கும் இஸ்ரோ இலக்கு நிர்ணயித்து தீவிரமாக பணியாற்றி வருகிறது என்று இஸ்ரோ தலைவர் வி.நாராயணன் தெரிவித்தார். இதுகுறித்து அவர் மேலும் கூறியதாவது:-
இந்தியாவை வருகிற 2047ஆம் ஆண்டுக்குள் வளர்ந்த நாடாக மாற்றுவதற்கு கல்வி நிறுவனங்கள், தொழில் நிறுவனங்கள் மற்றும் ஆராய்ச்சி அமைப்புகளுக்கு இடையே வலுவான ஒத்துழைப்பு அவசியம். ஆராய்ச்சிகள் வெறும் கட்டுரைகளாக மட்டும் நின்றுவிடாமல், சமூகத்திற்கு பயன் தரும் தொழில்நுட்பங்களாகவும், காப்புரிமைகளாகவும், தயாரிப்பு களாகவும் மாற வேண்டும்.
இஸ்ரோவின் பங்களிப்புகளாக, தொலைதொடர்பு, வானிலை முன்னறிவிப்பு, பேரிடர் மேலாண்மை, விவசாயம், மீன்வளம், நீர் வளங்கள் மற்றும் எல்லை பாதுகாப்பு உள்ளிட்ட 50-க்கும் மேற்பட்ட துறைகளுக்கு இஸ்ரோவின் செயற்கைக்கோள்கள் ஆதரவளித்து வருகிறது.
வழங்கப்படும் ஆலோசனைகள் மீனவர்களின் வருமானத்தை மேம் படுத்த உதவியுள்ளது. தொடக்கத்தில் பல்வேறு சவால்கள் இருந்தபோதிலும், இந்தியா உள்நாட்டிலேயே ‘கிரையோ ஜெனிக்’ தொழில்நுட்பத்தை உருவாக்கி உள்ளது.
ஏவுதல் திறன்களுக்காக பன் னாட்டு அளவில் அங்கீகாரம் பெற்றுள் ளதையும் அவர் நினைவுகூர்ந்தார். ‘சந்திரயான்’ திட்டம் மற்றும் ஒரே பயணத்தில் 104 செயற்கைக்கோள்களை விண்ணில் செலுத்தியது போன்றவை இஸ்ரோவின் முக்கிய மைல்கற்கள் ஆகும். மாணவர்களுக்கு கூட்டு ஆராய்ச்சி, பயிற்சிகள் மற்றும் புதிய கண்டுபிடிப்புகளை உருவாக்குவதற்கான அதிக வாய்ப்புகளை இஸ்ரோ வழங்கும்’ இவ்வாறு அவர் கூறினார்.
