கடலூர், ஜூலை 30– கடலூர் மாவட்ட கழகக் கலந்துரையாடல் கூட்டம் 29.7.2026 அன்று இரவு 7 மணி முதல் எட்டு முப்பது மணி வரை கடலூர் புதுப்பாளையம் அய்.க்யூ. ஸ்டடி சென்ட்ரலில் கழகப் பொதுச் செயலாளர் முனைவர் துரை சந்திரசேகரன் தலைமையில் நடைபெற்றது. மாவட்டக் கழகக் காப்பாளர் அரங்க பன்னீர்செல்வம் முன்னிலை வகித்தார்.
மாவட்ட தலைவர் சொ. தண்டபாணி வரவேற்புரை ஆற்றினார். சுயமரியாதை வீரர் மேனாள் சட்டப்பேரவை உறுப்பினர் இள. புகழேந்தி சிறப்பு அழைப்பாளராக பங்கேற்றார். மாநாடு சிறப்பாக நடத்திட அனைத்து உதவிகளையும் செய்வதாக குறிப்பிட்டார். மற்றும் மாவட்ட கழகச் செயலாளர் எழில் ஏந்தி மாநில பகுத்தறிவாளர் கழக அமைப்பாளர் இரா.பெரியார்செல்வம், கடலூர் மாநகர கழகத் தலைவர் தென் சிவகுமார், செயலாளர் சின்னதுரை, வழக்குரைஞர் பகுத்தறிவாளர் கழகத்தைச் சார்ந்த வனராசு, மாவட்ட மாணவர் அணி தலைவர் சிவபாண்டியன், செயலாளர் லாலு பிரசாத், அமைப்பாளர் தமிழ்மாறன், பண்ருட்டி ஒன்றிய தலைவர் கந்தசாமி, நா.அழகிரி, சி.என்.பாளையம், கழக நிர்வாகிகள் சுகுமாரன் எழிலரசன் லோகநாதன், குறிஞ்சிப்பாடி ஒன்றிய கழக அமைப்பாளர் சேகர், வடலூர் தீன மோகன், திராவிட மணி நூலகர் இரா.கண்ணன், வடலூர் கழக அமைப்பாளர் முருகன், மணக்குப்பம் தருமன் முதலான தோழர்கள் கருத்துரை ஆற்றினர்.
தமிழர் தலைவரின் எதிர்நீச்சலில் வென்ற பெரியார் திறந்தவெளி மாநாட்டை மிகவும் சிறப்பாக நடத்துவது குறித்த ஆலோசனைகளை தோழர்கள் பரிமாறிக் கொண்டனர்.
நிறைவேற்றப்பட்ட தீர்மானங்கள்: வெகு மக்களுக்கு எதிரான கிராமப்புற ஏழை எளிய மக்களின் மருத்துவ கனவை சிதைக்கக் கூடிய நீட் தேர்வை ரத்து செய்ய வேண்டும் என்றும் பொருளாதாரத்தில் பின்தங்கியுள்ள உயர் ஜாதிக்காரர்களுக்கு 10% இட ஒதுக்கீடு முறையை ரத்து செய்ய வேண்டும் என்றும் ஒன்றிய அரசை வலியுறுத்தி கழக மாணவர் அணி, இளைஞரணி, மகளிர் அணி, மகளிர் பாசறை சார்பில் நடைபெற இருக்கும் இருசக்கர வாகன பரப்புரை பயண கூட்டங்களை வரவேற்பு ஏற்பாடுகளை சிறப்பாக செய்வது என்றும், ஆகஸ்ட் 30 அன்று கடலூரில் எதிர்நீச்சலில் வென்ற பெரியார் திறந்த வெளி மாநாடு மிகவும் சிறப்பாக நடத்துவது என்றும் தீர்மானிக்கப்பட்டது.
மாவட்டக் கழக
மாணவர் கழக நிர்வாகிகள்
கடலூர் மாவட்ட கழக மாணவர் கழகத் தலைவராக நா. சிவபாண்டியன், செயலாளராக லாலு பிரசாத், அமைப்பாளராக தமிழ் மாறன், துணைத் தலைவராக திராவிடன் ஆகியோரை மாவட்டத் தலைவர் நியமனம் செய்தார்.
முடிவில் நூலகர் கண்ணன் நன்றி கூறினார்.
