சென்னை, ஜூலை 3 தமிழ்நாட்டில் நடப்பு கல்வியாண் டில் அரசு நடுநிலை பள்ளிகளில் 6 முதல் 8ஆம் வகுப்பு வரை பயிலும் மாணவிகளுக்கும், அரசு உயர்நிலை, மேல்நிலைப் பள்ளிகளில் 6 முதல் 10ஆம் வகுப்பு வரை பயிலும் மாணவிகளுக்கும் 3 மாதங்கள் கராத்தே, ஜூடோ, டேக்வேண்டோ, சிலம்பம் போன்ற தற்காப்பு கலை பயிற்சி வழங்க திட்டமிடப்பட்டுள்ளது. இந்த பயிற்சியை அளிப்பதற்காக ஒவ்வொரு பள்ளிக்கும் 3 மாதங்களுக்கு தலா ரூ.12 ஆயிரம் நிதி ஒதுக்கீடு செய்யப்பட்டுள்ளது.
இந்தப் பயிற்சியை நடத்த தேவையான வழிகாட்டு நெறி முறைகள் பள்ளி கல்வித் துறை சார்பில் வெளியிடப்பட்டுள்ளது.
* ஒரு பள்ளியில் அதிகபட்சம் 100 மாணவிகளுக்கு மிகாமலும், 10 மாணவிகளுக்கு குறையாமலும் தற்காப்பு கலை பயிற்சி வழங்கப்பட வேண்டும். இதில் மூச்சுப் பயிற்சி, உடற்பயிற்சி, தியானம் ஆகியவை இடம்பெறுவது அவசியம்.
* மொத்தம் 24 பயிற்சி வகுப்புகள் நடத்தப்படும் நிலையில் அதை மாதத்துக்கு 8 ஆக பிரித்து நடத்த வேண்டும்.
* தற்காப்பு கலை பயிற்றுநருக் கான மாத ஊதியம் ரூ.4 ஆயிரம் ஆக நிர்ணயிக்கப்பட்டுள்ளது. பயிற்றுநர் மீது குற்றமின்மை அறிக்கை காவல் நிலையத்திலிருந்து பெறப்பட்டிருக்க வேண்டும்.
* வரும் ஆகஸ்ட் முதல் வாரத் தில் பயிற்சி வகுப்பு தொடங்கப்பட வேண்டும். தொடர்ந்து, நவம்பருக்குள் பயிற்சி வகுப்புகளை நடத்தி முடிக்க வேண்டும்.
* மாணவிகளுக்கு ஒவ்வொரு பாடவேளையும் ஒன்றரை மணி நேரம் வீதம் வாரத்துக்கு இரு நாள்கள் பயிற்சி வகுப்புகள் நடை பெறுவதை உறுதி செய்ய வேண்டும்.
* பயிற்சி பெற விருப்பம் இல்லாத மாணவிகளை கட்டாயப் படுத்த கூடாது.
* மாணவிகளிடம் பயிற்சி யாளர்கள் கவனமாகவும், கனிவுடனும் பேச வேண்டும்.
* பள்ளியில் உள்ள பெண் ஆசிரியர்களின் மேற்பார்வையில் தான் கண்டிப்பாக இந்தப் பயிற்சி வகுப்புகள் நடத்தப்பட வேண்டும்.
* பயிற்சியில் மாணவிகள் பங்கேற்க பெற்றோரின் ஒப்புதல் அவசியம்.
* உடல் நலம் பாதிக்கப்பட்ட வர்கள் பயிற்சியிலிருந்து விலக்கு பெறலாம்.
* விடுதியில் தங்கி பயிலும் மாணவிகளுக்கு பயிற்சியில் முன்னுரிமை அளிப்பது அவசியம்.
* தற்காப்பு கலை பயிற்சிகான உபகரணங்களை பள்ளி மேலாண்மைக் குழு, முன்னாள் மாணவர்களின் பங்களிப்புடன் வாங்கலாம். இவ்வாறு அதில் குறிப் பிடப்பட்டுள்ளது.
