சென்னை, மே 7 மத்திய பல்கலைக்கழகங்களில் இளநிலை படிப்புகளில் சேருவதற்கான க்யூட் (CUET-UG) நுழைவுத் தேர்வு நுழைவுச் சீட்டுகளை தேசிய தேர்வுகள் முகமை (NTA) தற்போது வெளியிட்டுள்ளது.
நாடு முழுவதும் உள்ள மத்திய பல்கலைக்கழகங்கள் மற்றும் அதன் கீழ் இயங்கும் கல்லூரிகளில் 2026-2027 ஆம் கல்வியாண்டிற்கான இளநிலை பட்டப்படிப்புகளில் சேர இந்த பொது நுழைவுத் தேர்வு கட்டாயமாகும்.
தேர்வு நடைபெறும் நாட்கள்: மே 11 முதல் மே 31 வரை.விண்ணப்பதாரர்கள்: சுமார் 15 லட்சத்திற்கும் மேற்பட்ட மாணவர்கள் இத்தேர்விற்கு விண்ணப்பித்துள்ளனர்.
விண்ணப்பப் பதிவு: கடந்த ஜனவரி 3 முதல் பிப்ரவரி 26 வரை நடை பெற்றது.
நுழைவுச்சீட்டு பதிவிறக்கம்
செய்வது எப்படி?
தேர்வெழுத விண்ணப்பித்த மாணவர்கள் தேசிய தேர்வுகள் முகமை யின் அதிகாரப்பூர்வ இணையதளத்தில் தங்களது நுழைவுச்சீட்டுகளைப் பதிவிறக்கம் செய்து கொள்ளலாம்.
இணையதள முகவரி: https://cuet.nta.nic.in/கூடுதல் தகவல்களுக்கு: www.nta.ac.in
தேர்வு குறித்த ஏதேனும் சந்தேகங்கள் அல்லது கூடுதல் விளக்கங்கள் தேவைப்படும் மாணவர்கள் பின்வரும் வழிமுறைகளில் என்டிஏ-வை தொடர்பு கொள்ளலாம் என அறிவிக்கப்பட்டுள்ளது:
தொலைபேசி எண்: 011-40759000 மின்னஞ்சல் முகவரி: [email protected]
மாணவர்கள் முன்னதாகவே நுழைவுச்சீட்டைப் பதிவிறக்கம் செய்து, அதில் குறிப்பிட்டுள்ள தேர்வு மையம் மற்றும் வழிகாட்டுதல்களைச் சரிபார்த்துக் கொள்ள அறிவுறுத்தப் படுகிறார்கள்.
