கோயம்புத்தூர், மே 5– தமிழ்நாடு சட்டமன்றத் தேர்தல் முடிவுகள் வெளியாகியுள்ள நிலையில், அதிமுகவின் அசைக்க முடியாத கோட்டையாகக் கருதப்பட்ட கோயம்புத்தூர் மாவட்டத்தில் அக்கட்சி இம்முறை பெரும் சரிவைச் சந்தித்துள்ளது. கடந்த தேர்தல்களில் பெற்ற அமோக வெற்றியைத் தக்கவைக்க முடியாமல், 10 தொகுதிகளில் 9 தொகுதிகளை அதிமுக கூட்டணி பறிகொடுத்துள்ளது.
கோவை மாவட்டம் அதிமுகவின் பலமான தளமாகவே இருந்து வந்துள்ளது.
2016 தேர்தல்: மாவட்டத்தில் உள்ள 10 தொகுதிகளில் 9 இடங்களை அதிமுக கைப்பற்றியது.
2021 தேர்தல்: அதிமுக கூட்டணி மாவட்டத்தில் உள்ள 10 தொகுதிகளையும் முழுமையாகக் கைப்பற்றி சாதனை படைத்தது.
தற்போதைய தேர்தல்: அதிமுக கூட்டணி வெறும் 1 இடத்தில் மட்டுமே வெற்றி பெற்றுள்ளது. வேலுமணி மட்டுமே வெற்றி; மற்ற இடங்களில் தவெக, திமுக ஆதிக்கம்
தி.மு.க.: கடந்த முறை ஒரு இடத்தில் கூட வெல்லாத நிலையில், தற்போது தி.மு.க. 3 தொகுதிகளில் வெற்றி பெற்று கோவையில் மீண்டும் கால்பதித்துள்ளது.
