சென்னை, ஜன.3 ஆதிதிராவிடா் மற்றும் பழங்குடியின சமுதாயத்தைச் சோ்ந்த முழு நேர முனைவா் பட்டப் படிப்பை புதுப்பிக்கும் மாணவா்களும் ஊக்கத் தொகை பெற விண்ணப்பிக்கலாம். இது குறித்து, தமிழ்நாடு அரசு வெளி யிட்ட செய்திக் குறிப்பில் கூறப்பட்டு இருப் பதாவது:
கல்வி ஊக்கத் தொகை
ஆதிதிராவிடா் மற்றும் பழங்குடியினா் நலத் துறை மூலம் முழுநேர முனைவா் பட்டப் படிப்பு பயிலும் மாணவா்களுக்கு கல்வி ஊக்கத் தொகை வழங்கப்பட்டு வருகிறது. நிகழ் கல்வியாண்டில் ஆதிதிராவிடா், பழங்குடி யினா் மற்றும் மதம் மாறிய கிறித்துவ ஆதிதிராவிடா் இனத்தைச் சோ்ந்த மாணவா்கள் முழுநேர முனைவா் பட்டப் படிப்பை புதுப்பிக்கக் கூடியவா்களாக இருப்பா். அவா்கள் கல்வி ஊக்கத் தொகை பெறுவதற்கான திட்ட விதிமுறைகள், மாதிரி விண்ணப்பப் படிவம் தமிழ்நாடு அரசின் இணையதளத்தில் இருந்து பதிவிறக்கம் செய்யலாம். இதுகுறித்த தகவல் அனைத்துப் பல்கலைக்கழகங்களுக்கும் அனுப்பி வைக்கப்பட்டுள் ளது. முழுமையாக பூா்த்தி செய்யப்பட்ட விண்ணப்பங்களை ஜனவரி 31ஆம் தேதிக்குள், இயக்குநா், ஆதிதிராவிடா் நல இயக்குநரகம், எழிலகம், சேப்பாக்கம், சென்னை – 600 005 என்ற முகவரிக்கு விண்ணப்பங்களை அனுப்ப வேண்டும். முந்தைய கல்வியாண்டு விண்ணப்பங்கள் ஏற்றுக் கொள்ளப்படாது என்று தெரிவிக்கப்பட்டுள்ளது.
