ஏறுவது விலைவாசி மட்டுமே! நாட்டில் பெட்ரோல், டீசல் விற்பனை உயர்வு

நாட்டில் பெட்ரோல், டீசல் விற்பனை நவம்பர் மாதத்தில் அதிகரித்துள்ளதாக பொதுத்துறை எண்ணெய் நிறுவனங்கள் தெரிவித் துள்ளன. பெட்ரோல் விற்பனை கடந்த ஆண்டு நவம்பரில் 28.6 லட்சம் டன்னாக இருந்த நிலையில், நடப்பாண்டில் 8.30% அதிகரித்து 31 லட்சம் டன்னாக உயர்ந்துள்ளது. அதேபோல, டீசல் விற்பனை 5.90% உயர்ந்து, 72 லட்சம் டன்னாக அதிகரித்துள்ளது. இது அக்டோபரின் 65 லட்சம் டன்னுடன் ஒப்பிடுகையில் 11% உயர்ந்துள்ளது.