ரபா, செப்.10 மொராக்கோ நாட்டை உலுக்கிய பயங்கர நில நடுக்கத்தில் இதுவரை 2000 பேருக்கு மேல் பலியாகி உள்ளதாக அதிர்ச்சி தகவல் வெளியாகி உள்ளது.
வடக்கு ஆப்பிரிக்காவில் உள்ளது மொராக்கோ. இங்கு உள்ளூர் நேரப்படி 8.9.2023 அன்று இரவு 23:11 மணிக்கு (இந்திய நேரப்படி அதிகாலை 3:40) பயங்கர நிலநடுக்கம் ஏற்பட்டது.
ரிக்டர் அளவு கோலில் 7.0 புள்ளிகளாக பதிவான இந்த நிலநடுக்கம் அட்லஸ் மலையில் பூமிக்கு அடியில் 18.5 கி.மீ. ஆழத்தில் மய்யம் கொண்டிருந்ததாக அமெரிக்க புவியியல் ஆய்வு மய்யம் தெரிவித்தது. அதை தொடர்ந்து, 19 நிமிடங்களுக்கு பிறகு 4.9 புள்ளிகள் அளவில் மீண்டும் நில நடுக்கம் ஏற்பட்டது. சக்திவாய்ந்த இந்த நிலநடுக்கத்தால் சுற்றுலா நகரமான மராகேஷ் பகுதியில் அடுக்குமாடி குடியிருப்புகள் சீட் டுக்கட்டு போல சரிந்து விழுந்தன. ஆயிரக்கணக்கான வீடுகள் இடிந்து தரைமட்டம் ஆகின.
இந்த நிலநடுக்கத்தின் அதிர் வினை உணர்ந்தவர்கள் தங்களது வீடுகளை விட்டு வெளியேறி வீதிகளில் தஞ்சம் புகுந்தனர். எனினும் இரவு நேரத்தில் இந்த நிலநடுக்கம் ஏற்பட்டதால் தூங்கிக் கொண்டி ருந்தவர்கள் உடனடியாக வெளி யேற முடியாமல் சிக்கிக் கொண் டனர். இதனையடுத்து மீட்புக் குழுவினர் அங்கு விரைந்து சென்று கட்டட இடிபாடுகளில் சிக்கிய வர்களை மீட்கும் பணியில் ஈடுபட் டனர். கட்டட இடிபாடுகளில் குவியல் குவியலாக பிணங்கள் மீட்கப்பட்டன.
இந்நிலையில் மொராக்கோ நாட்டை உலுக்கிய பயங்கர நிலநடுக்கத்தில் இதுவரை 2 ஆயிரம் பேர் பலியாகி உள்ளதாக அதிர்ச்சித் தகவல் வெளியாகி உள்ளது. தொடர்ந்து மீட்பு பணிகள் நடைபெற்று வரும் நிலை யில் பலி எண்ணிக்கை மேலும் உயரும் என அஞ்சப்படுகிறது. நூற்றுக்கணக்கானோர் படுகாயங் களுடன் மீட்கப்பட்டுள்ளனர்.
இந்த கோர சம்பவத்தில் பலி யானவர்களுக்கு இந்தியா, பிரான்சு, ஜெர்மனி உள்ளிட்ட உலக நாடுகளின் தலைவர்கள் பலரும் தங்களது இரங்கலை தெரிவித்துள்ளனர். யுனெஸ்கோவால் உலக பாரம்பரிய தளமாக அறிவிக் கப்பட்டுள்ள மதீனா என்ற சிவப்பு சுவர்களும் இந்த நிலநடுக்கத்தால் சேதம் அடைந்தன. இதுகுறித்த காட்சிகள் அங்குள்ள சமூக வலைதளங்களில் வைரலாக பரவி வருகிறது. மேலும் அல்ஜீரியா, போர்ச்சுகல் போன்ற அண்டை நாடுகளிலும் இதன் தாக்கம் உணரப்பட்டதாக கூறப்படுகிறது. எனினும் அங்கு பெரிய அளவில் பாதிப்புகள் ஏற்படவில்லை என்பது குறிப்பிடத்தக்கது.
