போக்குவரத்து தொழிலாளர் ஊதிய ஒப்பந்தம் பதினைந்தாவது ஊதிய ஒப்பந்தக் குழுவின் பரிந்துரை ஆய்வு செய்ய துணைக் குழு அரசாணை வெளியீடு

சென்னை, பிப்.22 போக்குவரத்து தொழிலாளர்களுக்கான 15
ஆ-வது ஊதிய ஒப்பந்த பேச்சு வார்த்தைக் குழுவின் பரிந்துரை களை ஆய்வு செய்ய துணைக்குழு அமைத்து அரசாணை வெளியிடப்பட்டுள்ளது.
போக்குவரத்துக் கழக தொழி லாளர்களுக்கான 14-ஆவது ஊதிய ஒப்பந்தம் கடந்த ஆண்டு ஆக.31-ஆம் தேதியுடன் காலா வதியானது. இதனால் 15ஆ-வது ஊதிய ஒப்பந்த பேச்சுவார்த் தையை விரைந்து தொடங்க வேண்டும் என்பது உள்ளிட்ட கோரிக்கைகளை வலியுறுத்தி, வேலைநிறுத்தம் உள்ளிட்ட பல்வேறு நடவடிக்கைகளைத் தொழிற்சங்கங்கள் முன்னெ டுத்தன.
இந்நிலையில், 15-ஆவது ஊதிய ஒப்பந்தம் தொடர்பான பேச்சுவார்த்தையில் நிர்வாகம் தரப்பில் பங்கேற்க நிதித்துறைச் செயலர், 8 போக்குவரத்துக் கழக மேலாண் இயக்குநர்கள், போக் குவரத்துத் துறை தலைவர் அலு வலக தனி அலுவலர் உள்ளிட்ட 14 பேர் கொண்ட குழுவை அமைத்து கடந்த 6-ஆம் தேதி அரசாணை வெளியிடப்பட் டது.
இந்த பேச்சுவார்த்தைக் குழுவின் பரிந்துரைகளை ஆய்வு செய்யும் வகையில் துணைக்குழு ஒன்று அமைக்கப்பட்டுள்ளது. இதுதொடர்பாக போக்கு வரத்துத் துறைச் செயலர் க.பணீந்திர ரெட்டிபிறப்பித்த அர சாணையில், “15-ஆவது ஊதிய ஒப்பந்த பேச்சுவார்த்தைக் குழுவின் பரிந்துரையை ஆய்வு செய்ய நிதித்துறைச் செயலர், சென்னை மாநகரம், விரைவு, சேலம் போக்குவரத்துக் கழ கங்களின் மேலாண் இயக்கு நர்கள், மாநகர போக்குவரத்துக் கழக தலைமை நிதி அலுவலர் ஆகிய 5 பேர் அடங்கிய குழு அமைக்கப்படுகிறது” எனக் கூறப்பட்டுள்ளது.