தேரெழுந்தூர், செப்.7- ஒன்றிய தொல்லியல் துறையின் கல்வெட்டியல் பிரிவினர், மயிலாடுதுறை மாவட்டம், தேரெழுந்துார் கிராமத்தில் உள்ள வேதபுரீஸ்வரர் கோவிலில் அண்மையில் ஆய்வு செய்தனர்.
அப்போது இதுவரை நகலெடுக்கப்படாத, ஒரு வரலாற்று சிறப்பு மிக்க கல்வெட்டை அவர்கள் கண்டறிந்தனர்.
கோவிலின் அர்த்த மண்டபத்தில் உள்ள தூணில், சோழர்கால தமிழ் எழுத்துகளால் பொறிக்கப்பட்ட ஒரு கல்வெட்டில், சிவனுக்கு அமுது படைக்க பொன்னை கொடையாக அளித்த தகவல் பதிவு செய்யப்பட்டிருந்தது. இது குறித்து, கல்வெட் டியல் பிரிவு இயக்குநர் முனிரத்தினம் கூறிய தாவது;
இந்த கல்வெட்டு, கோவிராஜ கேசரி வர்மனான முதலாம் ராஜராஜனின் 18ஆவது ஆட்சியாண்டான, 1003இல் பொறிக்கப்பட்டுள்ளது. அதில், உய்யக் கொண் டார் வளநாட்டில் உள்ள பிரம்மதேயமான திருவழுந்துார் மகா சபையில், திருக்கடவுடை நாயனார் தெய்வத்திற்கு அமுது படைக்க, 21 கழஞ்சு தங்கம், கொடையாக வழங்கப்பட்டுள்ளது.
அந்த அறக்கொடை யில் இருந்து, கிடைத்த வட்டியில், அமுது படைப் பதற்கான நெல் மற்றும் மற்ற தேவைகளுக்கான பொருட்களை வாங்கிக் கொள்ள வேண்டும் என தெரிவிக்கப்பட்டுள்ளது.” இவ்வாறு, அவர் கூறினார்.
