சென்னை, மே 16- தமிழ்நாட்டில் அண்மையில் நடைபெற்ற சட்டமன்றத் தேர்தலில் வெற்றி பெற்று, தமிழக வெற்றிக் கழகத்தின் (தவெக) தலைவர் விஜய் முதலமைச்ச ராகப் பொறுப்பேற்று இன்றுடன் அய்ந்து நாட்கள் நிறைவடைகின்றன.
புதிய அரசு மிகுந்த எதிர்பார்ப்பு களுக்கு மத்தியில் ஆட்சியைத் தொடங்கியுள்ள நிலையில், கடந்த 140 மணி நேரத்திற்குள் மாநிலம் முழுவதும் சுமார் 24 கொலைகள் அரங்கேறியுள்ளது பொதுமக்களிடையே பெரும் அதிர்ச்சியையும் அச்சத்தையும் ஏற்படுத்தியுள்ளது.
குறிப்பாக, கஞ்சா மற்றும் மதுபோதையினால் ஏற்பட்ட மோதல்களே இந்த உயிரிழப்புகளில் பாதியளவிற்கு (12-க்கும் மேற்பட்டவை) காரணமாக அமைந்துள்ளதாகத் தகவல்கள் தெரிவிக்கின்றன.
தி.மு.க. கடும் கண்டனம்!
புதிய அரசு பொறுப்பேற்ற இந்த குறுகிய காலத்திற்குள் சட்டம் – ஒழுங்கு இவ்வளவு மோசமடைந் திருப்பது குறித்து எதிர்க்கட்சியான திமுக கடும் கண்டனங்களைத் தெரிவித்து வருகிறது.
காவல்துறை அதிகாரிகளின் மாற்றங்கள் மற்றும் நிர்வாக ரீதியான புதிய முடிவுகளில் அரசு கவனம் செலுத்திய நிலையில், ரவுடிகள் மற்றும் சமூக விரோதிகளின் மீதான கண்காணிப்பு தளர்ந்துவிட்டதாக தி.மு.க. குற்றம் சாட்டியுள்ளது.
அரசின் மெத்தனப் போக்கைப் பயன்படுத்திக் கொண்டு குற்றவாளிகள் சுதந்திரமாக நடமாடுவதே இத்தகைய தொடர் கொலைகளுக்கு முக்கியக் காரணம் என எதிர்க்கட்சிகள் புகார் அடுக்கி வருகின்றன.
பொது இடங்களில் அரங்கேறிய கொடூரங்கள்
கடந்த மே 11 முதல் மே 15 வரையிலான அய்ந்து நாட்களில் பதிவான குற்றச் சம்பவங்கள் ஒவ்வொன்றும் மிகுந்த கொடூரத் தன்மை கொண்டவையாக உள்ளன.
நாகப்பட்டினம்: ரயில் நிலையம் அருகே மீனவர் அருண் வெட்டிக்கொலை செய்யப்பட்டார். அதே பகுதியில் அரசு மருத்துவமனை வளாகத்திலேயே பெண் ஒருவர் பிணமாகக் கண்டெடுக்கப்பட்டது பொது இடங்களின் பாதுகாப்பைக் கேள்விக்குறியாக்கியுள்ளது.
தூத்துக்குடி: பிருந்தா தேவி என்ற பெண் கொலை செய்யப்பட்டு ரகசியமாகப் புதைக்கப்பட்ட விவகாரம், சிசிடிவி ஆய்விற்குப் பின்பே தற்பொழுது வெளிச்சத்திற்கு வந்துள்ளது. குடும்ப உறவுகளுக்குள்ளேயே நிகழ்ந்த வன்முறைச் சம்பவங்கள் தமிழ்நாட்டை உலுக்கியுள்ளன.
மன்னார்குடி: திருவாரூர் மாவட்டம் மன்னார்குடியில், போதைக்கு அடிமையான வாலிபர் ஒருவர் பணம் தராத ஆத்திரத்தில் தனது தாத்தா மற்றும் பாட்டியை உயிரோடு பெட்ரோல் ஊற்றிக் கொளுத்திய சம்பவம் மனிதாபிமானமற்ற செயலாகப் பார்க்கப்படுகிறது.
நங்கநல்லூர் பகுதியில் சமூக ஊடகப் பிரபலத்திற்கும் அவரது கணவருக்கும் ஏற்பட்ட தகராறில் நிகழ்ந்த கொலை மற்றும் தற்கொலை, சமூக வலை தள வட்டாரங்களில் பெரும் விவாதத்தை ஏற்படுத்தியுள்ளது.
முதியோர்களுக்குப் பாதுகாப்பற்ற சூழல் மற்றும் சைபர் குற்றங்கள்: கொள்ளைச் சம்பவங் களைப் பொறுத்தவரை, கரூரில் மூதாட்டியைக் கொன்று நகைகளைப் பறித்த வாலிபர் மற்றும் சென்னையில் முதிய தம்பதிக்கு மயக்க மருந்து கொடுத்து நடத்தப்பட்ட கொள்ளைகள் முதியோர்களின் பாதுகாப்பின் மையை உணர்த்துகின்றன.
அதே வேளையில், ஆவடி சைபர் கிரைம் காவல் துறையின ரால் முறியடிக்கப்பட்ட ரூ.14.65 லட்ச ரூபாய் மோசடி வழக்கு, தொழில்நுட்ப ரீதியான குற்றங்கள் அதிகரித்து வருவதைக் காட்டுகிறது. மேலும், தேர்தலில் போலி அடையாள அட்டைகளைப் பயன்படுத்தி வாக்களித்த வெளிநாடு வாழ் இந்தியர்கள் சென்னை மற்றும் மதுரை விமான நிலையங்களில் கைது செய்யப்பட்டுள்ளது தேர்தல் முறைகேடுகளையும் வெளிச்சம் போட்டுக் காட்டியுள்ளது.
புதிய அரசுக்கு
எழுந்துள்ள சவால்
எழுந்துள்ள சவால்
புதியதாகப் பதவியேற்றுள்ள தமிழக வெற்றிக் கழக அரசுக்கு, இந்த அய்ந்து நாட்களில் நிகழ்ந்த குற்றச் சம்பவங்கள் மிகப்பெரிய சவாலாக உருவெடுத்துள்ளன. சட்டம் – ஒழுங்கைப் பராமரிப்பதில் கூடுதல் கவனம் செலுத்தி, குற்றவாளிகள் மீது கடும் நடவடிக்கை எடுக்காவிட்டால் மக்களின் நம்பிக்கை குறையும் என அரசியல் நோக்கர்கள் எச்சரிக்கின்றனர்.
“நிர்வாகக் குளறுபடிகளே இந்தக் கொலைகளுக்குக் காரணம்” என திமுக முன்வைக்கும் குற்றச்சாட்டுகளுக்கு முற்றுப்புள்ளி வைக்கும் வகையில், காவல்துறையின் கரங்களை வலுப்படுத்த வேண்டிய கட்டாயத்தில் புதிய அரசு உள்ளது.
