பா.ஜ.க. கடந்த 10 ஆண்டுகளாக (2014-2024) பல்வேறு சட்டங்களை கொண்டு வந்துள்ளது.
முஸ்லிம்கள் உள்பட சிறுபான்மை சமூகங்களை நசுக்கவே சட்டங்கள் கொண்டு வந்துள்ளனர்.
குடியுரிமை திருத்த சட்டம் (CAA 2019)
2019ஆம் ஆண்டு கொண்டு வரப்பட்ட இந்த சட்டம், பாகிஸ்தான், வங்கதேசம் மற்றும் ஆப்கானிஸ்தானில் இருந்து இந்தியாவிற்கு வந்த முஸ்லிம் அல்லாத அகதிகளுக்கு (ஹிந்துக்கள், சீக்கியர்கள், பவுத்தர்கள், ஜெயின்கள், பார்ஸிகள் மற்றும் கிறிஸ்தவர்கள்) குடியுரிமை வழங்குவதற்கு வழிவகை செய்கிறது. ஆனால், இந்த சட்டம் முஸ்லிம்களை விலக்கியுள்ளது, இது மதத்தை அடிப்படையாகக் கொண்டு குடியுரிமை வழங்குவது இந்தியாவின் மதச்சார்பின்மை கொள்கைக்கு எதிரானது.
இந்த சட்டம் நாடு முழுவதும், குறிப்பாக பெரும் போராட்டங்களை ஏற்படுத்தியது. 2020 ஆம் ஆண்டு டில்லியில் நடந்த கலவரங்களில் 50க்கும் மேற்பட்டோர் உயிரிழந்தனர், இது முழுவதும் முஸ்லிம்கள் மீதான தாக்குதல்கள் ஆகும்.
தேசிய குடியுரிமை பதிவேடு (NRC) மற்றும் தேசிய மக்கள் பதிவேடு (NPR)
அசாம் மற்றும் மற்ற மாநிலங்களில் NRC மற்றும் NPR ஆகியவை மூலம் சட்டவிரோத குடியேறிகளை அடையாளம் காணும் முயற்சிகள் முன்னெடுக்கப்பட்டன. இந்த நடவடிக்கைகள் முஸ்லிம்கள் மற்றும் பிற சிறுபான்மையினருக்கு எதிராக பயன்படுத்தப்பட்டது. அவர்களை வெளியேற்றுவதற்கு ஆயுதமாக பயன்பட்டது.
அசாமில் NRCயின் மூலம் பல லட்சம் மக்கள், குறிப்பாக முஸ்லிம்கள், தங்கள் குடியுரிமையை நிரூபிக்க முடியாமல் சிக்கல்களை எதிர்கொண்டனர். இதனை அடுத்து நாடுமுழுவதும் குடியுரிமை இல்லாதவர்களை தனிமைப்படுத்த முகாம்கள் கட்டப்பட்டதாக நாடாளுமன்றத்தில் விவாதம் எழுந்தது. அதற்கு ஒன்றிய அமைச்சர்கள் மறுப்பு தெரிவிக்கவில்லை
கருநாடாகவிலும் தனிமைப்படுத்தப்படுவதற்கு முகாம்கள் கட்டப்பட்டதாக கன்னட நாளிதழ்களில் செய்திகள் வந்தது. அங்கு நடந்த சட்டமன்ற தேர்தலில் பாஜக ஆட்சி அகன்று காங்கிரஸ் ஆட்சி அமைந்த பிறகு இந்த விவாதம் முடிவிற்கு வந்தது
ஜம்மு மற்றும் காஷ்மீர் சிறப்பு தகுதி நீக்கம் (370வது பிரிவு 2019)
2019ஆம் ஆண்டு ஆகஸ்ட் மாதம், பாஜக அரசு ஜம்மு மற்றும் காஷ்மீரின் சிறப்பு தகுதியை நீக்கியது (370ஆவது பிரிவு). இந்த மாநிலத்தில் முஸ்லிம்கள் பெரும்பான்மையாக உள்ளனர், மற்றும் இந்த நடவடிக்கை அவர்களின் சுயாட்சி மற்றும் அடையாளத்தை பாதிக்கும் இந்த முடிவு காஷ்மீர் முஸ்லிம்களிடையே கடும் எதிர்ப்பை எதிர்கொண்டது, மற்றும் பல மாதங்கள் கட்டுப்பாடுகள், இன்டர்நெட் தடை மற்றும் கைது சம்பவங்கள் நடந்தன. 7 ஆண்டுகள் ஆகியும் இன்றுவரை பிரிவு 370 நீக்கத்தின் மூலம் அந்த மாநிலம் அடைந்த நன்மை என்ன என்று ஒன்றிய பாஜக அரசு இதுவரை உறுதியான விளக்கத்தை வைக்கவில்லை.
மதமாற்ற தடை சட்டங்கள்
பல பாஜக ஆளும் மாநிலங்களில் மதமாற்ற தடை சட்டங்கள் கொண்டு வரப்பட்டன, இந்தச் சட்டங்கள் முஸ்லிம்கள் மற்றும் பிற சிறுபான்மையினரின் மத சுதந்திரத்தை கடுமையாக பாதித்தது.
இந்த சட்டங்கள் முஸ்லிம்களுக்கு எதிரான புகார்கள் மற்றும் தாக்குதல்களை அதிகரித்தது அவர்களின் மத நடவடிக்கைகளில் சில்லரை ஹிந்து அமைப்பினர் தலையிட்டு அடாவடியில் ஈடுபட்டனர்.
ஹலால் உணவு தடை
மற்றும் பிற நடவடிக்கைகள்
உத்தரப் பிரதேசம் போன்ற மாநிலங்களில், ஹலால் சான்றிதழ் உணவுகளுக்கு தடை விதிக்கப்பட்டது, இது முஸ்லிம்களின் உணவு பழக்கவழக்கங்களை பாதிக்கும் என கூறப்படுகிறது. இந்த நடவடிக்கைகள் முஸ்லிம்களின் பொருளாதார மற்றும் சமூக உரிமைகளை பாதிக்கும் இது முஸ்லிம்களின் வாழ்க்கை முறையில் தலையிட்டு, அவர்களின் வணிக நடவடிக்கைகளை பாதிக்கும்.
வெறுப்புப் பேச்சு மற்றும் சமூக பதற்றம்
கடந்த 10 ஆண்டுகளில், முஸ்லிம்களுக்கு எதிரான வெறுப்புப் பேச்சு மற்றும் வன்முறை சம்பவங்கள் அதிகரித்திருப்பதாக பல ஆய்வுகள் மற்றும் அறிக்கைகள் கூறுகின்றன. பாஜக தலைவர்கள் மற்றும் ஆதரவாளர்களின் சில பேச்சுகள் முஸ்லிம்களை தாக்கும் வகையில் இருந்ததாகவும், இது சமூக பதற்றத்தை உருவாக்கியதாகவும் குற்றச்சாட்டுகள் உள்ளன (உதாரணமாக, நூபுர் சர்மாவின் 2022 ஆம் ஆண்டு பேச்சு).
இந்த சம்பவங்கள் இஸ்லாமிய நாடுகளின் கண்டனத்தையும், இந்தியாவுக்குள் முஸ்லிம்களுக்கு எதிரான தாக்குதல்களையும் ஏற்படுத்தியுள்ளன.
அயோத்தி பாபர் மசூதி சர்ச்சை மற்றும் அதனால் ஏற்பட்ட நிலப்பிரச்சினை கடந்த பல ஆண்டுகளாக ஹிந்துத்துவ கொள்கைகள் கொண்ட வலதுசாரிகள் ஆட்சியைப் பிடிக்க இதைப் பயன்படுத்தி வந்தது.
1992ஆம் ஆண்டு டிசம்பர் 6 ஆம் தேதி, பாபர் மசூதி ஹிந்து கரசேவகர்களால் இடிக்கப்பட்ட பின்னர், இந்த சம்பவம் நாடு முழுவதும் மதக்கலவரங்களை ஏற்படுத்தியது. இந்த சர்ச்சைக்குப் பின்னால், நீதிமன்றங்கள் மற்றும் அரசு பல்வேறு முடிவுகளை எடுத்தன, இதில் முஸ்லீம்களுக்கு பாபர் மசூதிக்கு பதிலாக நிலம் ஒதுக்குவது இந்திய உச்ச நீதிமன்றம் 2019 நவம்பர் 9 ஆம் தேதி அயோத்தி சர்ச்சைக்குரிய நிலம் தொடர்பான தீர்ப்பை வழங்கியது.
இந்த தீர்ப்பின்படி: சர்ச்சைக்குரிய 2.77 ஏக்கர் நிலம்: இந்த நிலம் ராமர் கோவில் கட்டுவதற்கு ஒதுக்கப்பட்டது, மற்றும் ஹிந்து அமைப்புகளுக்கு (ராம் லல்லா விராஜ்மான்) வழங்கப்பட்டது. இதனால், பாபர் மசூதி இருந்த இடத்தில் தற்போது ராமர் கோவில் கட்டப்பட்டு, 2024 ஜனவரி 22 ஆம் தேதி அதன் பிரதிஷ்டை நிகழ்ச்சி நடைபெற்றது.
முஸ்லீம்களுக்கு நில ஒதுக்கீடு
உச்ச நீதிமன்ற தீர்ப்பின்படி, பாபர் மசூதிக்கு பதிலாக முஸ்லீம்களுக்கு (சன்னி சென்ட்ரல் வக்ஃப் போர்டு மற்றும் இதர இஸ்லாமிய அமைப்புகள்) அயோத்தியில் வேறொரு இடத்தில் 5 ஏக்கர் நிலம் ஒதுக்கப்பட்டது. இந்த நிலம் அயோத்தியிலிருந்து சுமார் 25 கிலோமீட்டர் தொலைவில் உள்ள தன்னிபூர் (Dhannipur) பகுதியில் அமைந்துள்ளது. இந்த நிலம் புதிய மசூதி மற்றும் இஸ்லாமிய சமூகத்திற்கு தேவையான மற்ற கட்டமைப்புகளை உருவாக்குவதற்காக ஒதுக்கப்பட்டது.
5 ஏக்கர் நிலம் ஒதுக்கப்பட்டு, அதை நிர்வகிக்க சன்னி சென்ட்ரல் வக்ஃப் போர்டு மற்றும் இந்தோ இஸ்லாமிக் கல்ச்சரல் ஃபவுண்டேஷன் ஆகியவை பொறுப்பேற்றன. ஆனால், இந்த நிலத்தில் மசூதி கட்டுவதற்கான பணிகள் இதுவரை தொடங்கப்படவில்லை. உத்தரப் பிரதேச அரசு தொடர்ந்து பல நெருக்கடி கொடுத்து வருவதால் திட்டத்தை தாமதப்படுத்துகின்றன:
மசூதி கட்டுவதற்கு தேவையான நிதி திரட்டுவது மற்றும் திட்டமிடல் தொடர்பான சிக்கல்கள் உள்ளன. இந்தோ இஸ்லாமிக் கல்ச்சரல் ஃபவுண்டேஷன், மசூதியுடன் சேர்த்து ஒரு மருத்துவமனை, கல்வி நிறுவனம் மற்றும் சமூக நலன் திட்டங்களையும் திட்டமிட்டுள்ளது, இது திட்டத்தை மேலும் சிக்கலாக்குகிறது.
அயோத்தியில் ராமர் கோவில் கட்டப்பட்டு முடிந்து பயன்பாட்டில் உள்ள நிலையில், முஸ்லீம்களுக்கு ஒதுக்கப்பட்ட நிலத்தின் முன்னேற்றம் மெதுவாக உள்ளது, இது சமூக மற்றும் அரசியல் ரீதியாக சர்ச்சைகளை தொடர்ந்து உருவாக்குகிறது.
வக்பு வாரிய சட்டதிருத்த மசோதா
(Waqf Amendment Bill)
இந்தியாவில் இஸ்லாமிய சமூகத்திற்கு சொந்தமான வக்பு சொத்துக்களை நிர்வகிக்கும் வக்பு வாரியங்களைப் பாதிக்கும் வகையில் பல மாற்றங்களை முன்மொழிகிறது. இந்தத் திருத்தங்கள் இஸ்லாமிய சமூகத்திற்கு பல்வேறு தீமைகளை ஏற்படுத்தலாம் என்று இஸ்லாமிய அமைப்புகள் மற்றும் சமூக ஆர்வலர்கள் கவலை தெரிவித்துள்ளனர்.
வக்பு வாரியங்களின் சுயாட்சி இழப்பு
தற்போதைய மசோதாவின்படி, வக்ஃபு சொத்துக்களைப் பதிவு செய்வது, அவற்றின் உரிமையைத் தீர்மானிப்பது போன்ற முக்கிய அதிகாரங்கள் மாவட்ட ஆட்சியர்களுக்கு மாற்றப்படுகின்றன. இதனால், வக்பு வாரியங்களின் சுயாட்சி பெருமளவு குறையும்.
வக்ஃபு என்பது இஸ்லாமிய மதத்தில் கொடையாக வழங்கப்பட்ட சொத்துக்களை நிர்வகிக்கும் மத அமைப்பு. இதன் மீது அரசு அதிகாரிகளின் கட்டுப்பாடு அதிகரிப்பது, முஸ்லிம்களின் மத சுதந்திரத்திற்கு எதிரானதாகக் கருதப்படுகிறது. மாவட்ட ஆட்சியர்கள், பெரும்பாலும் முஸ்லிம் அல்லாதவர்களாக இருக்கலாம் என்பதால், இஸ்லாமிய மத நம்பிக்கைகளுக்கு ஏற்ப முடிவுகள் எடுக்கப்படாமல் போகலாம்.
முஸ்லிம் அல்லாதவர்களின் தலையீடு
மசோதாவில், வக்பு வாரியங்களில் முஸ்லிம் அல்லாதவர்களையும் உறுப்பினர்களாக நியமிக்கலாம் என்ற பிரிவு உள்ளது.
வக்ஃபு சொத்துக்கள் இஸ்லாமிய மத நோக்கங்களுக்காகவே அர்ப்பணிக்கப்பட்டவை. இதில் இஸ்லாமியர் அல்லாதவர்கள் முடிவெடுக்கும் அதிகாரம் பெறுவது, மத நம்பிக்கைகளுக்கு முரணாக அமையலாம். எடுத்துக்காட்டாக் ஹிந்து கோயில்களை நிர்வகிக்க இந்து அல்லாதவர்களை அனுமதிக்க முடியுமா என்ற கேள்வியை எதிர்க்கட்சிகள் இஸ்லாமியர்களின் மத உரிமைகளைப் பறிக்கும் சூழ்ச்சியாகும்
வக்பு சொத்துக்களின் அபகரிப்பு அபாயம்
வக்ஃபு சொத்துக்களை மாவட்ட ஆட்சியர்கள் ஆய்வு செய்து, அவை வக்பு சொத்துக்களா இல்லையா என முடிவு செய்யும் அதிகாரம் வழங்கப்பட்டுள்ளது. மேலும், இணையதளத்தில் பதிவு செய்யப்படாத சொத்துக்கள் சட்டவிரோதமாகக் கருதப்படலாம்.
இந்தியாவில் சுமார் 7.85 லட்சம் வக்பு சொத்துக்கள் உள்ளன. பல சொத்துக்கள் பழைமையானவை மற்றும் முறையான ஆவணங்கள் இல்லாமல் இருக்கலாம். இதனால், அரசு அல்லது தனியார் நலன்களுக்காக இவை எளிதில் அபகரிக்கப்படலாம். முஸ்லிம் சமூகத்தின் பொருளாதார அடித்தளமாக விளங்கும் இந்த சொத்துக்களை இழப்பது, அவர்களின் நலத் திட்டங்களை பாதிக்கும்.
பாரம்பரிய தொண்டு அமைப்பின் பலவீனம்
வக்ஃபு சொத்துக்களின் வருவாய் மசூதிகள், மதரஸாக்கள், கல்வி நிறுவனங்கள், அடக்கத்தலங்கள் மற்றும் ஏழைகளுக்கான நலத் திட்டங்களுக்கு பயன்படுத்தப்படுகிறது. இந்த மசோதா வக்பு அமைப்பை சிக்கலாக்கி, அதன் செயல்பாட்டை கட்டுப்படுத்தலாம்.
பல நூற்றாண்டுகளாக இஸ்லாமிய சமூகத்தில் தொண்டு பாரம்பரியத்தை பராமரித்து வந்த வக்பு அமைப்பு பலவீனமடைந்தால், இஸ்லாமியர்களின் கல்வி, சமூக, மற்றும் பொருளாதார மேம்பாடு பாதிக்கப்படும். ஏழை இஸ்லமையர்களுககான கல்வி மற்றும் இதர உதவிகள் பாதிக்கப்படும்.
பெண்களின் வாரிசுரிமை மற்றும் பிரதிநிதித்துவம் குறித்த சர்ச்சை
மசோதாவில் முஸ்லிம் பெண்களுக்கு வக்பு வாரியத்தில் பிரதிநிதித்துவம் வழங்கப்பட வேண்டும் என்று கூறப்பட்டாலும், இது இஸ்லாமிய சட்டத்திற்கு முரணாக இருக்கலாம் என்று சிலர் வாதிடுகின்றனர்.
வக்பு சொத்துக்களில் பெண்களின் வாரிசுரிமையை உறுதி செய்யும் நோக்கம் நியாயமானதாகத் தோன்றினாலும், இது இஸ்லாமியர்களின் தனிநபர் சட்டத்திற்கு (Shariat Law) எதிராக அரசு தலையிடுவதாகக் கருதப்படுகிறது. இது இஸ்லாமிய சமூகத்தில் குழப்பத்தையும், மத உணர்வுகளை புண்படுத்துவதையும் ஏற்படுத்தலாம்.
சட்டவிரோத ஆக்கிரமிப்பு என்ற பெயரில் இஸ்லாமியர்களின் சொத்துக்களை பறிமுதல் செய்தல்
மசோதாவில், ‘வரம்பு சட்டம்’ (Limitation Act) விதிகளை வக்பு சொத்துக்களுக்கு பொருத்த முடியாது என்றிருந்த பழைய சட்டம் மாற்றப்பட்டுள்ளது. இதனால், நீண்ட காலமாக ஆக்கிரமிக்கப்பட்ட சொத்துக்களை மீட்க முடியாமல் போகலாம்.
பல வக்ஃபு சொத்துக்கள் சட்டவிரோதமாக ஆக்கிரமிக்கப்பட்டுள்ளன. இந்தத் திருத்தம் அமலுக்கு வந்தால், அவற்றை மீட்கும் உரிமையை வக்பு வாரியம் இழக்கலாம். இது முஸ்லிம் சமூகத்தின் சொத்து உரிமைகளுக்கு பெரும் பாதிப்பை ஏற்படுத்தும்.
மத சுதந்திரத்திற்கு எதிரான தாக்குதல்
இந்திய அரசமைப்புச் சட்டத்தின் பிரிவு 25 மற்றும் 26, மத சுதந்திரத்தையும், சிறுபான்மையினரின் நிறுவனங்களை நிர்வகிக்கும் உரிமையையும் உறுதி செய்கிறது. ஆனால், இந்த மசோதா அதற்கு முரணாக உள்ளதாக விமர்சிக்கப்படுகிறது.
வக்ஃபு வாரியங்களை அரசு கட்டுப்படுத்துவது, இஸ்லாமியர்களின் மத நிறுவனங்களை நிர்வகிக்கும் உரிமையை பறிப்பதாகக் கருதப்படுகிறது. இது அரசமைப்பு உரிமைகளுக்கு எதிரானதாகவும், சிறுபான்மை சமூகத்திற்கு அச்சத்தை ஏற்படுத்துவதாகவும் உள்ளது.
வக்ஃபு வாரிய சட்டதிருத்த மசோதா, இஸ்லாமிய சமூகத்தின் மத, பொருளாதார, மற்றும் சமூக நலன்களை பாதிக்கும் வகையில் உள்ளது.
இது வக்ஃபு அமைப்பின் சுயாட்சியை பறிப்பது மட்டுமல்லாமல், பல நூற்றாண்டுகளாக இஸ்லாமிய சமூகத்தில் தொண்டு மற்றும் நலன்களை பராமரித்து வந்த ஒரு பாரம்பரியத்தை சிதைக்கும் அபாயத்தை உருவாக்குகிறது. மேலும், இது மத சுதந்திரத்திற்கு எதிரான தாக்குதலாகவும், சிறுபான்மை உரிமைகளை பறிக்கும் பாசிச நடவடிக்கையை ஒன்றிய பாஜக அரசு கட்டவிழ்த்து உள்ளது.
