காங்கிரஸ் தலைவர் கார்கே வீட்டில் ‘இந்தியா’ கூட்டணி தலைவர்கள் சந்திப்பு

புதுடில்லி, டிச.8- புதுடில்லியில் உள்ள காங்கிரஸ் தலைவர் மல்லிகார்ஜுன கார்கே வீட்டில், ‘இந்தியா’ கூட்டணியின் 17 கட்சிகளைச் சேர்ந்த மக்களவை, மாநிலங்களவை தலைவர்கள் 6.12.2023 அன்று சந்தித்து பேசினர். இந்த கூட்டத்துக்கு கார்கேயும், ராகுல் காந்தியும் தலைமை வகித்தனர்.
இது தொடர்பாக கார்கே வெளியிட்ட சமூக வலைத்தளப்பதிவில், ‘இந்தியா’ கூட்டணியைச் சேர்ந்த கட்சிகளின் மக்களவை, மாநிலங்களவை தலைவர்களின் சந்திப்பு எனது இல்லத்தில் நடை பெற்றது. இதில், ஒன்றிய அரசை பொறுப்பேற்க வைக்கும் வகையில் நடப்பு நாடாளுமன்ற கூட்டத் தொடரின் வரும் நாட்களில் மக்கள் பிரச்சினைகளை எழுப்புவது என்று முடிவு செய்யப்பட்டது.
‘இந்தியா’ கூட்டணி கட்சி தலைவர்களின் கூட் டத்தை நடத்தும் தேதி விரைவில் முடிவு செய்து அறிவிக்கப்படும்’ என்று தெரிவித்துள்ளார்.