அய்.எஃப்.இ.டி பொறியியல் கல்லூரி அறிவியல் மற்றும் விளையாட்டு விழாவில் ஜெயங்கொண்டம் – பெரியார் மெட்ரிக் மேல்நிலைப் பள்ளி மாணவர்கள் சாதனைப் பயணம்!

ஜெயங்கொண்டம், அக். 31- விழுப்புரம் IFET பொறியியல் கல்லூரியில் நடைபெற்ற ASTRA 26 2.0 – Science & Sports Carnival நிகழ்வில், ஜெயங்கொண்டம் பெரியார் மெட்ரிக் மேல்நிலைப் பள்ளியைச் சேர்ந்த இரண்டு மாணவர் அணிகள் பங்கேற்று பள்ளிக்குப் பெருமை சேர்த்தனர்.
இந்நிகழ்வில் மாணவர்கள் ஈரக் கழிவு மற்றும் உலர்க் கழிவு மேலாண்மை (Wet & Dry Waste Management) மற்றும் செயற்கை நுண்ணறிவு (Artificial Intelligence – AI) ஆகிய பிரிவுகளில் தங்களது ஆர்வத்தையும் திறமையையும் வெளிப்படுத்தினர்.சுற்றுச்சூழல் பாதுகாப்பு, கழிவுகளை முறையாகப் பிரித்து மேலாண்மை செய்தல் மற்றும் வளர்ந்து வரும் செயற்கை நுண்ணறிவுத் தொழில்நுட்பம் குறித்த புரிதலை மேம்படுத்தும் வகையில் இந்நிகழ்வு அமைந்தது. இத்தகைய வாய்ப்புகள் மாணவர்களின் அறிவியல் சிந்தனை, படைப்பாற்றல், புதுமை முயற்சி மற்றும் தன்னம்பிக்கையை வளர்க்க உதவுகின்றன.நிகழ்வில் பங்கேற்ற மாணவர்களுக்கு நினைவுப் பரிசும் (Memento), சான்றிதழும் வழங்கப்பட்டன.
இவை மாணவர்களின் ஆர்வத்திற்கும் பங்கேற்பிற்கும் ஊக்கமளிக்கும் அங்கீகார மாக அமைந்தன.
மாணவர்களை இந்நிகழ் வில் பங்கேற்க ஊக்குவித்த பள்ளி நிர்வாகம், முதல்வர் மற்றும் ஆசிரியர்களுக்குப் பாராட்டுகள் தெரிவிக்கப் பட்டன. அறிவியல் மற்றும் தொழில்நுட்பத் துறைகளில் மாணவர்கள் மேலும் பல புதிய அனுபவங்களைப் பெற்று, எதிர்காலத்தில் சிறந்த சாதனையாளர்களாக உருவாக இந்நிகழ்வு ஒரு சிறந்த படிக்கட்டாக அமைந்தது.மாணவர்களின் திறமையை வளர்ப்போம்! அறிவியல் சிந்தனையை ஊக்குவிப்போம்! வெற்றிப் பாதையில் தொடர்ந்து பயணிப்போம்!