மறைவு

சென்னை அனகாபுத்தூரைச் சேர்ந்த பெரியார் பெருந்தொண்டர் இராச.செல்வராஜ் 29.10.2026 அன்று இரவு மறைவுற்றார் என்பதை அறிவிக்க வருந்துகிறோம்.

நேற்று (30.10.2026) மாலை 4 மணிக்கு இறுதி நிகழ்வு  நடைபெற்றது. மொழிப் பேராட்டத்தில் கலந்து கொண்டவர். தீவிர முரட்டு சுயமரியாதைக்காரர். அனகாபுத்தூரின் முதல் பெரியார் பெருந்தொண்டர். பெரியார் பிஞ்சுகள் நடத்தும் அனைத்து நிகழ்ச்சியிலும் தலைமை தாங்கி நடத்தி வைத்த சிறப்புக்குரியவர்.

முகவரி: 8. முதல் தெரு கஸ்தூரி பாய் நகர் அனகாபுத்தூர் சென்னை 70. தொடர்பு எண்: சண்.சரவணன் – 9380008037.

– – – – –

காரைக்குடி கழக மாவட்டம், சாக்கோட்டை ஒன்றிய கழக மேனாள் தலைவர் க.கார்மேகம் (வயது 75) உடல்நலக்குறைவு காரணமாக கோட்டையூர் வேலங்குடியில் உள்ள அவரது இல்லத்தில் 29.10.2026 அன்று இரவு மறைவுற்றார் என்பதை அறிவிக்க வருந்துகிறோம்.

செய்தியறிந்து காரைக்குடி மாவட்ட கழக காப்பாளர் சாமி.திராவிடமணி, கழக சொற்பொழிவாளர் தி.என்னாரெசு பிராட்லா, கோட்டையூர் நகர மேனாள் தி.மு.க. செயலாளர் சீரிய பகுத்தறிவாளர் நாத்திகம் இராமசாமி,  பள்ளத்தூர் பேரூர் கழக நிர்வாகி டைலர் ராஜசேகர், வேலங்குடி பகுத்தறிவாளர் கழக நிர்வாகி சீ.மணிவண்ணன், சீ.செல்வமணி ஆகியோர் இறுதி மரியாதை செலுத்தினர். மறைந்த கார்மேகம் கழகத்தின் கிராமப்பிரச்சாரக் கூட்டங்களை தனது ஒன்றியத்தில் சிறப்பாக நடத்தி அனைவருக்கும் நாள் முழுவதும் உணவளித்து சிறப்பு செய்தவர்.