நாகர்கோவில், அக். 28- கன்னியாகுமரியில் நடைபெற்ற பெரியார் நடை பேரணி நிகழ்ச்சியில் பங்கேற்றவர்களுக்கு சான்றிதழ் வழங்கும் நிகழ்ச்சி மாவட்ட திராவிடர் கழகத் தலைவர் மா.மு சுப்பிரமணியம் தலை மையில் நாகர்கோவில் ஒழுகினசேரி பெரியார் மய்யத்தில் நடைபெற்றது.
மாவட்டச் செயலாளர் கோ.வெற்றிவேந்தன் பெரியார் நடை நிகழ்ச்சியில் பங்கேற்ற தோழர்களை பாராட்டி சான்றிதழ் வழங்கினர். காப்பாளர் ம.தயாளன், பகுத்தறிவாளர் கழக மாவட்டத் தலைவர் உ.சிவதாணு, மாவட்ட துணைத் தலைவர் ச.நல்ல பெருமாள் கோட்டாறு பகுதித் தலைவர் ச.ச.மணிமேகலை ஆகியோர் முன்னிலை வகித்தனர். கழகத் தோழர்கள் ச.ச.சத்தியா ராணி, மு.குமரிச் செல்வன் மற்றும் பலர் கலந்து கொண்டனர். மாவட்ட துணைச் செயலாளர் எஸ்.அலெக்சாண்டர் கடவுள் மறுப்புக் கூறி அனைவரையும் வர வேற்றார். மாவட்ட துணைச் செயலாளர் சி.அய்சக் நியூட்டன் நன்றியுரை ஆற்றினார்.
