சேலம், அக்.08 மேட்டூர் அணைக்கு வரும் நீர்வரத்தைக் காட்டிலும் பாசனத்திற்கான திறப்பு அதிகமாக இருப்பதால், அணையின் நீர்மட்டம் தொடர்ந்து சரிந்து வருகிறது. இன்று காலை 8 மணி நிலவரப்படி, மேட்டூர் அணைக்கான நீர்வரத்து விநாடிக்கு 848 கன அடியாக அதிகரித்துள்ளது. இருப்பினும், டெல்டா பாசனத் தேவையைப் பூர்த்தி செய்யும் வகையில் அணையிலிருந்து வெளியேற்றப்படும் நீரின் அளவு விநாடிக்கு 15,000 கன அடியாக உள்ளது. நீர்வரத்தைக் காட்டிலும் பன்மடங்கு கூடுதல் நீர் திறக்கப்பட்டு வருவதால், அணையின் நீர்மட்டம் தற்போது 67.72 அடியாகக் குறைந்துள்ளது. தொடர்ந்து பாசனத்திற்கு நீர் திறக்கப்பட்டு வருவதால், அணையின் நீர் இருப்பு மற்றும் நீர்மட்டம் மேலும் சரிய வாய்ப்புள்ளது.
