சென்னை, அக்.01- ‘தலைமைத் தேர்தல் ஆணையர் ஞானேஷ்குமாருக்கு எதிரான விவகாரத்தில், நாடாளுமன்றத்தில் எதிர்க் கட்சிகளின் நிலைப் பாட்டுக்கே திமுக ஆதரவளிக் கும்’ என்று தி.மு.க. செய்தித் தொடர்பாளர் டி.கே.எஸ்.இளங் கோவன் தெரிவித்துள்ளார்.
‘இண்டியா’ கூட்டணி தலைவர்களின் கூட்டம் டில்லியில் நேற்று (30.9.2026) நடைபெற்றது. அதில், ‘தலைமைத் தேர்தல் ஆணையர் ஞானேஷ்குமார் உடனடியாகப் பதவி விலக வேண்டும்; அல்லது அவரைப் பதவியி லிருந்து நீக்குவதற்கான தீர்மானத்தை நாடாளுமன்றத்தில் கொண்டுவர வேண்டும்’ என்பது உள்ளிட்ட தீர்மானங்கள் நிறை வேற்றப்பட்டன.
இக்கூட்டத்தில் திமுக கலந்து கொள்ளவில்லை. இந்நிலையில் இதுகுறித்து, செய்தியாளர்களிடம் திமுக செய்தித் தொடர்பாளர் இளங்கோவன் கூறியதாவது: ‘இண்டியா’ கூட்டணி கூட்டம், இந்திய தலைமைத் தேர்தல் ஆணையர் ஞானேஷ் குமாரை மாற்றவோ அல்லது பதவியிலிருந்து நீக்கவோ போவதில்லை. அதைச் செய்ய வேண்டியது நாடாளு மன்றம்தான்.
அங்கு திமுகவுக்கு கணிசமான எண்ணிக்கை யில் நாடாளுமன்ற உறுப்பினர் உள்ளனர். எனவே, இந்த தனிநபர் பிரச்சினை அவைக்கு வரும்போது, நாங்கள் ஞானேஷ்குமாருக்கு எதிராகவே நிற்போம் என்றார்.
