தந்தை பெரியார் பிறந்தநாள் – பேச்சு, ஓவியப் போட்டியில் வெற்றி பெற்ற மாணவர்களுக்குப் பரிசளிப்பு

குடியாத்தம் புவனேஸ்வரி பேட்டை லிட்டில் பிளவர் மெட்ரிகுலேஷன் பள்ளியில் பகுத்தறிவுப் பகலவன் தந்தை பெரியாரின் 148ஆம் பிறந்தநாள் நாள் விழா வெகு சிறப்பாக நடைபெற்றது. பள்ளியின் தாளாளரும், மாவட்ட கழக காப்பாளருமான வி.சடகோபன் அவர்களும், மகளிரணி ஈஸ்வரி, மாவட்ட கழக தலைவர் வி.இ.சிவக்குமார், பொதுக்குழு உறுப்பினர் சி.இலதா ஆகியோர் கலந்து கொண்டு, ஆசிரியர்களுக்கும், மாணவர்களுக்கும் இனிப்புகள் வழங்கி சிறப்பித்தனர். பள்ளியின் செயலாளர் ச.ரம்யா கண்ணன் தலைமை வகித்தார். பள்ளியின் முதல்வர் பி.சாந்தி அனைவரையும் ஊக்கப்படுத்தினார். பள்ளியில் மாணவர்களுக்கு நடைபெற்ற ஓவியப் போட்டி மற்றும் பேச்சு போட்டியில் கலந்து கொண்டு வெற்றி பெற்ற மாணவர்களுக்கு சான்றிதழ், பரிசுப் பொருள் மற்றும் இனிப்பு வழங்கினர்.