தேர்தல் களத்தில் தமிழர் தலைவர் தாராபுரம் சட்ட மன்ற தொகுதி இடைத் தேர்தலில் தி.மு.க. வேட்பாளர் சுகன்யாவை ஆதரித்து நாளை பிரச்சாரம்!

மதச்சார்பற்ற முற்போக்குக் கூட்டணி சார்பில் போட்டியிடும் திமுக வேட்பாளர் வழக்குரைஞர் S.சுகன்யாவை ஆதரித்துத் திராவிடர் கழகத்தின் சார்பில், நாளை (29.9.2026) மாலை 5 மணிக்கு வடுகப்பட்டி பிரிவு மூலனூர். இரவு 7 மணிக்குத்  தாராபுரம் அண்ணா சிலை அருகில் தமிழர் தலைவர் ஆசிரியர் கி.வீரமணி அவர்கள்  உதயசூரியன் சின்னத்திற்கு வாக்குச் சேகரித்து தேர்தல் பரப்புரை மேற்கொள்ளவுள்ளார்.

அதற்கான முன் ஏற்பாடுகள் குறித்து, திமுக முதன்மைச் செயலாளர் கே.என்.நேரு, துணைப் பொதுச் செயலாளர் ஆ.இராசா, துணைப் பொதுச் செயலாளர் அய்.பெரியசாமி,
என்.கயல்விழி, திருப்பூர் திமுக கிழக்கு மாவட்டச் செயலாளர் இல.பத்மநாதன், தஞ்சை திமுக மாவட்டச் செயலாளர்
துரை.சந்திரசேகரன், மாவட்ட வழக்குரைஞரணி அமைப்பாளர் வழக்குரைஞர் செல்வராஜ், தஞ்சை நாடாளுமன்ற உறுப்பினர் முரசொலி, தாராபுரம் முன்னாள் சட்டமன்ற உறுப்பினர் பிரபாவதி பெரியசாமி ஆகியோரை திராவிடர் கழக மாநில ஒருங்கிணைப்பாளர் இரா.ஜெயக்குமார், மாநில வழக்குரைஞர் அணி செயலாளர் மு.சென்னியப்பன், தலைமைச் செயற்குழு உறுப்பினர் ஈரோடு த.சண்முகம், மாநில இளைஞரணி செயலாளர் நாத்திக.பொன்முடி, தாராபுரம் கழக மாவட்டத் தலைவர் க.கிருஷ்ணன், பொதுக் குழு உறுப்பினர் நா.சக்திவேல், திருப்பூர் மாவட்ட பகுத்தறிவாளர் கழகத் தலைவர்  பல்லடம் இளங்கோவன், தாராபுரம் கழக மாவட்ட பகுத்தறிவாளர் கழக செயலாளர் பு.முருகேசு, மாவட்ட இளைஞரணி செயலாளர் கோட்டீஸ்வரன் ஆகியோர் சந்தித்து ஆசிரியர் தேர்தல் பரப்புரை குறித்து திட்டமிடப்பட்டது.