சென்னை, செப். 14- தமிழ்நாடு ஆசிரியர் கல்வியியல் பல்கலைக்கழகப் பதிவாளர் (பொறுப்பு) கே.ராஜசேகரன் வெளியிட்டுள்ள அறிவிப்பு விவரத்தில் கூறப்பட்டுள்ள தாவது: ஆசிரியர் கல்வியியல் பல்கலைக்கழகம், அரசு, அரசு உதவி பெறும் கல்வியியல் கல்லூரிகளில் 2026 ஜூலை பருவ கல்வியியல் பிஎச்டி மாணவர் சேர்க்கைக்கு தகுதியான நபர்களிடமிருந்து விண்ணப்பங்கள் வரவேற்கப்படுகின்றன.
இதற்கான விண்ணப்பப் படிவத்தை ஆசிரியர் கவ்வியியல் பல்கலைக்கழகத்தின் இணைய தளத்தில் (www.tnteu.ac.in) பதிவிறக்கம் செய்து, பூர்த்தி செய்த விண்ணப்பப் படிவத்தை பதிவாளருக்கு செப்டம்பர் 21-க்குள் அனுப்ப வேண்டும். நுழைவுத்தேர்வு மற்றும் நேர்முகத்தேர்வு அடிப்படையில் சேர்க்கை நடைபெறும். ஜெஆர்ஃஎப், நெட், ஸ்லெட், எம்.பில் தேர்ச்சி பெற்றிருப்போருக்கு நுழைவுத்தேர்விலிருந்து விலக்கு அளிக்கப்படும். அவர்கள் விண்ணப்பித்தால் மட்டும் போதுமானது.
