திராவிட முன்னேற்றக் கழகத் தலைவரும், தமிழ்நாட்டின் மேனாள் முதலமைச்சருமான தளபதி மு.க.ஸ்டாலின் அவர்களுக்கு வழங்கப்பட்டுவந்த ‘இசட் பிளஸ்’ பிரிவு பாதுகாப்பு குறைக்கப்பட்டு இருப்பதாகத் தெரிவிக்கப்பட்டுள்ளது.
இது அரசியல் உள்நோக்கம் உடையது மட்டு மன்று, சிறுமைக் குணமே ஆகும்.
60 ஆண்டுகளாகப் பொதுவாழ்க்கையில் இருந்து பல்வேறு பொறுப்புகளை ஏற்றுச் சிறப்பாகச் செயல்பட்ட ஒருவரின் மதிப்பை இத்தகைய செயல்களால் குறைத்துவிட முடியாது.
அவருக்கு அரசின் பாதுகாப்பெல்லாம் பெரிதில்லை. அவர் ஆற்றியுள்ள மக்கள் தொண்டுக்கும், மக்களுக்கு நிறைவேற்றியுள்ள திட்டங்களுக்கும், திராவிட முன்னேற்றக் கழகத் தோழர்கள் மட்டுமல்ல, நன்றியுணர்வுடைய தமிழ்நாட்டு மக்களே தளபதி மு.க.ஸ்டாலின் அவர்களுக்குப் பாதுகாப்புக் கேடயமாக இருப்பார்கள்!
கி.வீரமணி
தலைவர்,
திராவிடர் கழகம்
