ஆர்.எஸ்.எஸ் மாணவர் அமைப்பு மிரட்டல்
டேராடூன்,பிப்.18- உத்தராகண்ட்டில் ‘கிரியேட்டிவ் உத்தராகண்ட்’ என்ற அமைப்பு ஆண்டுதோறும் புத்தகக் காட்சி நடத்தி வருகிறது. இந்தப் புத்தகக் காட்சியை டேராடூனில் உள்ள அரசுப் பள்ளி, ராம்லீலா மைதானம், எச்என்பி கர்வால் மத்திய பல்கலைக்கழகம் ஆகிய இடங்களில் நடத்த கடந்த 2 மாதங்களாக முயற்சி மேற்கொள்ளப்பட்டது.
முதலில் அனுமதி அளித்தவர்கள் பிறகு காரணம் கூறாமல் அனுமதியை ரத்து செய்தனர்.
இது குறித்து புத்தகக் காட்சி ஒருங்கிணைப்பாளர் ஹேம் பந்த் கூறுகையில், ‘‘அகில பாரதிய வித்யார்த்தி பரிஷத் (ஏபிவிபி) அமைப்பின் பிரதிநிதிகள் எங்களிடம் காந்தி மற்றும் நேரு பற்றிய புத்தகங்கள் விற்பனைக்கு தகுதியற்றவை என கூறினர். புத்தகக் காட்சிக்கான அனுமதியை ரத்து செய்யும்படி அவர்கள் அனைவருக்கும் அழுத்தம் கொடுக்கின்றனர்’’ என்றார்.
முன்னதாக ஆர்.எஸ்.எஸ் அமைப்பின் மாணவர் பிரிவு காந்தி, நேரு குறித்த புத்தகங்கள் இந்திய கலாச்சாரத்தை கிண்டல் செய்யும் நேருவை முன்னிருத்தி எழுதியுள்ளது. ஆகவே அந்த நூல்கள் விற்பனைக்கு வைக்கக் கூடாது என்று தெரிவித்தனர்.
