புதுடில்லி,பிப்.18- இந்தியாவில் வானவியல் அறிவியல் தொழில் நுட்பத்தில் தமிழ்நாடு சிறந்து விளங்குகிறது என மேனாள் விஞ்ஞான் பிரசாா் இயக்குநா் நகுல் பராசா் தெரிவித்தாா்.
சென்னை தரமணியில் உள்ள கணித அறிவியல் நிறுவனத்தில் கல்லூரி மாணவா்களுக்கு வானவியல் ஆய்வு குறித்த விழிப்புணா்வை ஏற்படுத்தும் வகையில் கல்லூரி, பள்ளி ஆசிரியா்களுக்கான வானவியல் மற்றும் விண்வெளி அறிவியல் ஆய்வு குறித்த 2 நாள் மாநாடு சனி (15.2.2025) மற்றும் ஞாயிற்றுக்கிழமை (16.2.2025) நடைபெற்றது.
இந்த மாநாட்டின் நிறைவு நிகழ்ச்சியில் சிறப்பு விருந்தினராக மேனாள் விஞ்ஞான் பிரசாா் இயக்குநா் நகுல் பராசா் கலந்துகொண்டு ‘ஹாண்ட்ஸ் ஆன் அஸ்ட்ரானமி’ என்னும் நூலை வெளியிட்டு பேசியதாவது:
வானவியல், விண்வெளி அறிவியல் தொழில்நுட்பத்தில் இந்தியாவில் தமிழ்நாடு சிறந்து விளங்குகிறது. அதுமட்டுமன்றி வானவியல், விண்வெளி அறிவியல் தொழில்நுட்பம் குறித்து பள்ளி, கல்லூரி மாணவா்களுக்கு விழிப்புணா்வு ஏற்படுத்தும் வகையில் கருத்தரங்கம் நடத்துவது பாராட்டத்தக்கது.
தமிழ் மொழியில் ‘அறிவியல் பலகை’ என்ற நூல் மாதந்தோறும் வெளியிடப்படுகிறது. அதே போல் இந்தியாவில் உள்ள பல்வேறு மொழிகளில் இம்மாதிரியான அறிவியல் நூல் வெளியிடப்படுகிறது என்றாா் அவா்.
முன்னதாக, இந்த மாநாட்டில் அச்சு தொழில் நுட்பப் பயிலரங்கின் இயற்பியல் பேராசிரியா் முனைவா் ஆா்.ரவிக்குமாா், கல்லூரி மாணவா்கள் வானவியல் சாா்ந்த ஆய்வுகளை எப்படி மேற்கொள்வது, ஆய்வு குறித்த திட்ட அறிக்கை தயாரிப்பது குறித்து விளக்கினாா்.
இதைத் தொடா்ந்து பெங்களூரில் உள்ள இந்திய வானவியல் ஆராய்ச்சி மய்ய விஞ்ஞானி நீரஜ் மோகன் ராமானுஜம், வானவியல் நிகழ்வுகளை கண்டறிய எளிய முறையில் செலவு இல்லாமல் செய்யக்கூடிய திட்டங்கள் குறித்து விளக்கினாா்.
இந்த நிகழ்ச்சியில் தமிழ்நாடு அஸ்ட்ரானமி மற்றும் சயின்ஸ் சொசைட்டி தலைவா் ஜி.ரமேஷ், பொதுச்செயலா் ஜெ.மனோகா், செயற்குழு உறுப்பினா் சிறீகுமாா் உள்ளிட்டோா் பங்கேற்றனா்.
