திராவிடர் கழகத் தலைவர் ஆசிரியர் கி.வீரமணி அவர்கள், தாராபுரம் சட்டமன்றத் தொகுதி தேர்தல் பரப்புரைக்குச் செல்லும் வழியில் பொத்தனூரில் வசிக்கும் 104 வயதான பெரியார் பெருந்தொண்டர் நாமக்கல் மாவட்டக் காப்பாளர் க.சண்முகம் அவர்களை, சந்தித்து உடல்நலம் விசாரித்தார்.
பொத்தனூர் க.சண்முகம் அவர்கள், வாசல் வரை வந்து ஆசிரியர் அவர்களை வரவேற்று வீட்டினுள் அழைத்துச் சென்றார். தி.மு.க. பேரூர் செயலாளர் மற்றும் பேரூராட்சித் தலைவர் ஆர்.கருணாநிதி, தி.மு.க. வார்டு செயலாளர் தம்பி செல்வராஜ், திராவிடர் கழகத் தொழிலாளரணி மாநிலத் துணைத் தலைவர் வீர முருகன், பகுத்தறிவாளர் கழக மாநில அமைப்பாளர் வழக்குரைஞர் இளங்கோ, மேட்டூர் மாவட்டக் காப்பாளர் பழனி புள்ளையண்ணன், நாமக்கல் மாவட்டச் செயலாளர் அழகன், திருச்செங்கோடு மாவட்டச் செயலாளர் ஆனந்தகுமார் கணேசன், க.ச.செங்குட்டுவன், மாவட்ட இளைஞரணிச் செயலாளர் சுரேஷ், ம.தி.மு.க. மாவட்ட மாணவரணிச் செயலாளர் ராஜசேகரன், என்.எல்.சி. சிவக்குமரன், பொத்தனூர் நகரத் தலைவர் அன்புமணி மற்றும் காந்தி ஆகியோர் கழகத் தலைவருக்கு பயனாடை அணிவித்து மரியாதை செய்தனர். திருச்சி பெரியார் மாளிகை தங்காத்தாள், தொழில் நுட்ப அணி மாநிலச் செயலாளர் வி.சி. வில்வம் உடனிருந்தனர்.
முன்னதாக, கழகத் தலைவர் பொத்தனூர் க.சண்முகத்துக்கு பொன்னாடை அணிவித்து மரியாதை செய்தார். உணர்ச்சிப் பெருக்குடன் பொத்தனூர் க.சண்முகம் கழகத் தலைவருக்கு பொன்னாடை அணிவித்து மரியாதை செய்தார். தனது பிறந்த நாளையொட்டி வெளியிடப்பட்ட சிறப்பு மலரைத் தமிழர் தலைவரிடம் வழங்கினார். மோகனா வீரமணி அவர்கள், கைப்பேசி மூலம் பொத்தனூர் க.சண்முகம் அவர்களிடம் நலம் விசாரித்தார். (பொத்தனூர், 29.09.2026)
