பெரியார் மருந்தியல் கல்லூரி மாணவருக்கு தேசிய அளவிலான கருத்தரங்கில் முதல் பரிசு

பெரம்பலூர் தந்தை ரோவர் மருந்தியல் கல்லூரி “The role of Al in Target Identification and Lead Optimization” என்ற தலைப்பிலான ஒரு நாள் தேசியக் கருத்தரங்கை 11.07.2026 அன்று நடத்தியது. இதில் பெரியார் மருந்தியல் கல்லூரியின் முதுநிலை மருந்தியல் மாணவர் எஸ். விக்ரமன் கலந்து கொண்டு தமது ஆய்வுக்கட்டுரையினை சமர்ப்பித்தார். 24 மருந்தியல் கல்லூரிகளிலிருந்து 200க்கும் மேற்பட்ட ஆய்வுக்கட்டுரைகள் சமர்ப்பிக்கப்பட்ட இப்போட்டியில் எஸ்.விக்ரமன் முதலிடம் பிடித்து நினைவுப் பரிசு மற்றும் பாராட்டுச் சான்றிதழ் பெற்று கல்லூரிக்கு பெருமை சேர்த்துள்ளார். பரிசு வென்ற மாணவரை கல்லூரி நிர்வாகத்தினர், முதல்வர் முனைவர் இரா. செந்தாமரை, பேராசிரியர்கள் மற்றும் பணியாளர்கள் பாராட்டி வாழ்த்துகளை தெரிவித்துக் கொண்டனர்.