புதுடில்லி, டிச. 30 மறைந்த முன்னாள் பிரதமர் அடல் பிகாரி வாஜ்பேயின் பிறந்த நாளான டிசம்பர் 25-ஆம் தேதி, டில்லியில் ஏழை, எளிய மக்க ளுக்காக குறைந்த விலையில் உணவு வழங்கும் ‘‘அடல் கேண்டீன்’’ (Atal Canteen) திட்டத்தை ஒன்றிய அரசு தொடங்கியது. தமிழ்நாட்டின் ‘அம்மா உணவகம்’ போன்ற இந்தத் திட்டம் மக்கள் மத்தியில் வரவேற்பைப் பெற்றாலும், தற்போது ஒரு புதிய சர்ச்சை வெடித்துள்ளது.
வாஜ்பேயி பெயரில் திட்டம் –
மோடி பட மயம்
மோடி பட மயம்
இந்தத் திட்டம் அடல் பிகாரி வாஜ் பேயின் நினைவாகவும், அவர் பெயரிலும் தொடங்கப்பட்டது. ஆனால், டில்லியில் திறக்கப்பட்டுள்ள இந்த உணவகங்களில் எங்குமே வாஜ்பேயின் உருவப்படம் இடம்பெறவில்லை என்ற புகார் எழுந்துள்ளது. உணவகத்தின் முகப்பு, உட்புறச் சுவர்கள் மற்றும் விளம்பரப் பலகைகள் என அனைத்து இடங்களிலும் பிரதமர் நரேந்திர மோடியின் படங்கள் மட்டுமே பிரமாண்டமாக இடம்பெற்றுள்ளதாகக் கூறப்படுகிறது.
வாஜ்பேயின் மருமகன் ஆதங்கம்
இதுகுறித்து அடல் பிகாரி வாஜ்பே யின் மருமகன் ஊடகங்களிடம் தனது அதி ருப்தியைத் தெரிவித்துள்ளார்.
அவர் கூறியதாவது, ‘‘அடல் பிகாரி வாஜ்பேயி அவர்களின் பெயரில் தொடங்கப்பட்ட இந்த உணவ கங்களில், குறைந்தபட்சம் ஒரு ஓரத்தில் கூட அவரு டைய படம் இடம்பெறவில்லை என்பது வருத்தமளிக்கிறது. எல்லா இடங்களிலும் பிரதமர் மோடியின் படங்கள் மட்டுமே ஆக்கிரமித்துள்ளன. இது குறித்து இதற்கு மேல் கருத்துத் தெரிவிக்க நான் விரும்ப வில்லை’’ என்றார்.
அரசியல் சர்ச்சை
வாஜ்பேயி பா.ஜா.க.வின் மூத்த தலை வராகவும், நாட்டின் மிக உயரிய ‘பாரத ரத்னா’ விருது பெற்றவராகவும் இருந்தும், அவர் பெயரிலான திட்டத்திலேயே அவர் புறக்கணிக்கப்பட்டிருப்பது அரசியல் வட்டாரத்தில் சலசலப்பை ஏற்படுத்தியுள்ளது. எதிர்க்கட்சிகள் மற்றும் சமூக ஆர்வலர்கள் பலரும், அரசுத் திட்டங்களில் தனிநபர் விளம்பரம் முன்னிறுத்தப்படுவதாக விமர்சித்து வருகின்றனர்.
அடையாள அரசியலால்…
இருப்பினும், இதுகுறித்து ஒன்றிய அரசுத் தரப்பிலிருந்து இதுவரை அதி காரப்பூர்வ விளக்கம் ஏதும் அளிக்கப்பட வில்லை. ஏழைகளுக்கான இந்தத் திட்டம் அதன் நோக்கத்திற்காகப் பாராட்டப்பட்டாலும், அடையாள அரசிய லால் தற்போது பேசுபொருளாக மாறி
யுள்ளது.
