சென்னை, டிச. 15 டிஎன்பிஎஸ்சி குரூப் 4 தேர்வின் காலிப்பணியிடங்கள் 4000 என ஏற்ெகனவே தேர்வாணையம் அறிவித்திருந்த நிலையில் தற்போது அதில் இன்னும் கூடுதல் காலிப்பணியிடங்களை சேர்த்துள்ளது.
தமிழ்நாடு அரசு பணியாளர் தேர்வாணையம் மாநில அரசின் பதவிகளை நிரப்பி வருகிறது. குரூப் 1, குரூப் 2, குரூப் 4 என முக்கியமான அரசதிகாரப் பதவிகளை டி.என்.பி.எஸ்.சி. நிரப்பி வருகிறது. ஒவ்வொரு ஆண்டும் தோராயமாக 15,000க்கும் அதிகமான காலியிடங்களுக்கான அறிவிப்பு வெளியாகின்றன. லட்சக்கணக்கான பட்டதாரிகள் அதிக எண்ணிக்கையில் விண்ணப்பித்து வருகின்றனர்.
ஆண்டு செயல்திட்டம் (Annual Planner) மூலம் டிஎன்பிஎஸ்சி ஆணையம் தேர்வு குறித்த தகவல்களை பகிர்ந்து வருகிறது. இதன் கீழ், வரவிருக்கும் ஆண்டில் என்னென்ன தேர்வுகள் எப்போது நடைபெறும் என்பது குறித்த உத்தேச தகவல்களை டிஎன்பிஎஸ்சி தேர்வர்களுடன் முன்கூட்டியே பகிர்ந்து கொள்கிறது.
அதன்படி, 2026-ஆம் ஆண்டிற்கான ஆண்டுத்திட்டத்தை டிஎன்பிஎஸ்சி தேர்வாணையம் அண்மையில் வெளியிட்டது. 2026 ஆண்டு திட்டத்தின் கீழ், இலட்சக்கணக்கான தேர்வர்கள் பங்கேற்கும் குரூப் 4 தேர்வு குறித்த அறிவிப்பு 2026 ஆம் ஆண்டு அக்டோபர் மாதம் 6ஆம் தேதி அறிவிக்கப்படும் என்று தெரிவிக்கப்பட்டுள்ளது.
டிஎன்பிஎஸ்சி குரூப் 4 தேர்வின் காலிப்பணி யிடங்கள் 4000 என ஏற்கனவே தேர்வாணையம் அறிவித்திருந்த நிலையில் தற்போது அதில் இன்னும் கூடுதல் காலிப்பணியிடங்களை சேர்த்துள்ளது. தற்போது வெளியாகியுள்ள அறிவிப்பின்படி, ஏற்கனவே 4,000 காலிப்பணியிடங்கள் அறிவிக்கப் பட்ட நிலையில் தற்போது கூடுதலாக 400 காலிப் பணியிடங்களை உயர்த்தி டிஎன்பிஎஸ்சி அறிவித்துள்ளது.
