‘இண்டியா டுடே’ ஆங்கில இதழின் மதிப்பீடு!
“இந்தியாவின் அதிகார சபை” – டாப் 10
பட்டியலில் முதலமைச்சர் மு.க.ஸ்டாலின் 8ஆவது இடம் பெற்றுள்ளார்.
‘இண்டியா டுடே’ இந்த நவம்பர் மாத இதழில் “இந்தியாவின் அதிகார சபை” என்ற தலைப்பில் சக்திவாய்ந்த மனிதர்கள் பட்டியலை வெளியிட்டுள்ளது.
டாப் 10 பட்டியலில், தமிழ்நாடு முதலமைச்சர் மு.க.ஸ்டாலினுக்கு 8ஆவது இடம் வழங்கப்பட்டுள்ளது.
பிரதமர் மோடி, உள்துறை அமைச்சர் அமித்ஷா, ஆர்.எஸ்.எஸ். தலைவர் மோகன் பகவத் என நீளும் இந்த பட்டியலில் 5 மாநில முதலமைச்சர்கள் மட்டுமே இடம்பெற்றுள்ளனர்.
முதலமைச்சர் மு.க.ஸ்டாலின் இந்த பட்டியலில் இடம் பெற்றதற்கான காரணம்?
அடக்கமான போர்வீரன்
தென் கோட்டையைப் பிடித்து வைத்திருப்பவர்.
மொழித் தடையால் மு.க. ஸ்டாலினின் பேச்சு வடக்கு மாநிலங்களை அடையாமல் இருக்கலாம், ஆனால் பூர்வீக நிலமான தமிழ்நாட்டில் அவருக்குள்ள செல்வாக்கு காரணமாக அவரின் குரல் டில்லி அதிகாரத்தின் செவியை எட்டுகிறது.
மக்களவையில் தி.மு.க.வுக்கு 22 உறுப்பினர்கள், மாநிலங்களவையில் 10 உறுப்பினர்கள் மட்டுமின்றி, தமிழ்நாட்டின் 39 தொகுதிகளிலும் இந்தியா
கூட்டணி 70% வாக்குகளுடன் வெற்றி வாகை சூடியது.
எல்லா மாநிலங்களிலும் பாஜகவுக்கு சில தொகுதிகள் கிடைத்த சூழலிலும் தமிழ்நாட்டில் ஒரு இடம்கூட கிடைக்காமல் செய்தது பாஜகவுக்கு அதிக வருத்தத்தை தந்தது. எனவே, தென்னிந்தியாவில் இந்தியா கூட்டணிக்கு ஒரு முக்கிய அம்சமாக மு.க.ஸ்டாலின் எஃகு போல திகழ்கிறார்.
2021ஆம் ஆண்டில் மு.க.ஸ்டாலின் முதலமைச்சர் ஆனதில் இருந்து, அவரது தி.மு.க. அரசு 2030 ஆம் ஆண்டுக்குள் தமிழ்நாட்டை ஒரு டிரில்லியன் டாலர் பொருளாதாரமாக மாற்றும் இலக்கை நோக்கி செயல்பட்டு வருகிறது. முதலமைச்சர் மு.க.ஸ்டாலின் தலைமையிலான ஆட்சியில் உலகின் முன்னணி நிறுவனங்களான பார்ச்சூன் 500 நிறுவனங்கள் உட்பட 130 நிறுவனங்களிடம் இருந்து ரூ.9.74 லட்சம் கோடி முதலீடுகளை ஈர்த்துள்ளார்.
