மும்பை, நவ.1- மும்பையில் உள்ள டாட்டா மருத்துவமனையின் வெளியே NGO-வை சேர்ந்தவர்கள் இலவசமாக நோயாளிகளுக்கும் அவருடன் இருக்கும் உறவினர்களுக்கும் உணவு வழங்கியுள்ளனர். இதற்காக நீண்ட வரிசை ஒன்று நின்றுள்ளது.
அதில் ஹிஜாப் அணிந்த பெண் ஒருவரும் வரிசையில் நின்றுள்ளார். பின்னர் அந்தப் பெண் உணவு வழங்கும் இடத்துக்கு வந்ததும் அவரைப் பார்த்து, உணவு வழங்குபவர் ‘ஜெய் சிறீராம்’ என்று சொன்னால்தான் உணவு தருவோம் என்று கூறியுள்ளார்.
இதைக் கேட்டு அதிர்ச்சியடைந்த அந்த பெண் அப்படி உச்சரிக்க மறுத்துள்ளார். இதனால் ஆத்திரம் அடைந்த உணவு வழங்குபவர் உணவு வழங்க முடியாது என்று கூறி, வரிசையில் இருந்து நகர்ந்து செல்லுமாறு அந்த பெண்ணை விரட்டி உள்ளார்.
இது குறித்த காட்சிப் பதிவு தற்போது வெளியாகியுள்ள நிலையில், பலரும் அந்த நபருக்கு கண்டனம் தெரிவித்து வருகின்றனர். பாஜக தொடர்ந்து செயல்படுத்தி வரும் இந்துத்துவம் பாமர மக்களிடையேயும் ஊடுருவியுள்ளது வருத்தத்தை ஏற்படுத்தியுள்ளது.
