சென்னை, அக். 26– 2026 சட்டமன்றத் தேர்தல் பணிகள் தொடர்பாக தி.மு.க. தொகுதி பார்வையாளர்களுடன் அக்.28இல் முதலமைச்சர் மு.க.ஸ்டாலின் ஆலோசனை நடத்துகிறார். சட்டமன்றத் தேர்தலுக்குத் தயாராகும் வகையில் தமிழ்நாட்டில் உள்ள 234 சட்டமன்றத் தொகுதிகளுக்கும் பூத் கமிட்டி அமைத்தல், வாக்காளர் பட்டியல் சரிபார்த்தல், வாக்காளர்கள் சேர்த்தல், நீக்கல் உள்ளிட்ட தேர்தல் பணிகளை மேற்பார்வையிட தொகுதி பார்வையாளர்களை நியமித்து தி.மு.க. தலைமைக் கழகம் அண்மையில் அறிவிப்பு வெளியிட்டுள்ளது.
இது தொடர்பாக தலைமைக் கழகம் வெளியிட்டுள்ள அந்த அறிக்கையில்; திமுக தலைவர் தலைமையில், 2026-சட்டமன்றத் தேர்தல் பணிகளை மேற்கொள்ளும் வகையில் நியமனம் செய்யப்பட்டுள்ள “சட்டமன்றத் தொகுதிப் பார்வையாளர்கள் ஆலோசனைக் கூட்டம்” வருகிற 28ஆம் தேதி காலை 11.00 மணியளவில் சென்னை, அண்ணா அறிவாலயம், “கலைஞர் அரங்கத்தில்” நடைபெறும். கூட்டத்தில் தொகுதி பார்வையாளர்கள் அனைவரும் தவறாது கலந்துகொள்ள முதலமைச்சர் வேண்டுகோள் விடுத்துள்ளார் என்று கூறப்பட்டுள்ளது
