புதுடில்லி, செப்.16 2024 ஆம் ஆண்டின் வாழ்க்கைத் தரக் குறியீட்டில் எந்த நாடு முதலிடம் பிடித்துள்ளது, இந்தியா எந்த இடத்தில் உள்ளது என்பது குறித்து இந்த பதிவில் பார்க்கலாம்.
ஒரு நாட்டை உண்மையிலேயே சிறந்ததாக்குவது எது? இது வளர்ந்து வரும் பொருளாதாரமா, உயர்ந்த வாழ்க்கைத் தரமா அல்லது சாகசத் தையும் படைப்பாற்றலையும் ஊக்குவிக்கும் திறனா? ஜி.டி.பி. (GDP) போன்ற பொருளாதார குறிகாட்டிகளுக்கு அப்பால், மக்கள் எங்கு வாழ வேண்டும் என்பதை தீர்மானிப்பதில் பாதுகாப்பு, சுகாதாரம் மற்றும் சமூக வசதிகள் போன்ற காரணிகள் முக்கிய பங்கு வகிக்கின்றன.
அன்றாட வாழ்க்கையின் தரத்தில் கவனம் செலுத்துவது முக்கியம், ஏனெனில் நீங்கள் வசிக்கும் இடம் உங்களுக்கும் உங்கள் வாழ்க்கைக்கும் குறிப்பிடத்தக்க தாக்கத்தை ஏற்படுத்துகிறது. அய்க்கிய நாடுகள் சபையின் கூற்றுப்படி, 232 மில்லியனுக்கும் அதிகமான மக்கள் சிறந்த வாழ்க்கையைத் தேடி இடம்பெயர்கின்றனர்.
மேம்பட்ட தனிப்பட்ட பாதுகாப்பு, சுகாதாரம் மற்றும் வாழ்க்கைத் தரம் மற்றும் காலநிலை மற்றும் போக்குவரத்தின் அடிப்படையில் சிறந்த வாழ்க்கை தரம் கொண்ட டாப் 10 நாடுகளின் பட்டியல் வெளியாகி உள்ளது.
2024ஆம் ஆண்டின் வாழ்க்கைத் தரக் குறியீட்டில் ஸ்பெயின் மீண்டும் முதலிடத்தைப் பெற்றுள்ளது. ஸ்பெயின் முதலிடம் பெறுவது இது மூன்றாவது முறையாகும். ஓய்வு நேர விருப்பங்கள், அணுகக்கூடிய சுகாதாரம் மற்றும் மலிவு விலையில் பொது போக்குவரத்து ஆகியவற்றில் நாடு சிறந்து விளங்குகிறது. எனவே ஸ்பெயின் வெளிநாட்டினரை அதிகம் ஈர்க்கிறது. இருப்பினும், அரசியல் ஸ்திரத்தன்மை பற்றிய கவலைகள் ஸ்பெயின் பாதுகாப்பு தரவரிசையை பாதித்தாலும் கூட, அந்நாட்டின் வாழ்க்கை தரத்தை பாதிக்கவில்லை.
ஸ்பெயினை தொடர்ந்து ஆஸ்திரியா இந்த பட்டியலில் 2-ஆவது இடம் பிடித்துள்ளது. அய்க்கிய அரபு நாடுகளுக்கு இந்த பட்டியலில் 3-ஆவது இடம் கிடைத்துள்ளது. பயணம் மற்றும் போக்குவரத்து பிரிவில் சிறந்து விளங்கும் அய்க்கிய அரபு நாடுகள் இயற்கை சூழலில் பின்தங்கியிருக்கிறது, வெளிநாட்டவர்கள் காலநிலை காரணமாக உட்புற செயல்பாடுகளை விரும்புகிறார்கள்.
சிறந்த வாழ்க்கைத் தரம் கொண்ட நாடுகள் பட்டியலில் கத்தார் 4-ஆவது இடத்திலும், லக்சம்பர்க் 5-வது இடத்திலும் உள்ளன. ஜப்பானுக்கு 6-ஆவது இடம் கிடைத்துள்ள நிலையில், போர்ச்சுகல் நாட்டிற்கு 7-ஆவது இடம் கிடைத்துள்ளது. டென்மார்க் 8-ஆவது இடத்திலும், சிங்கப்பூர் 9-ஆவது இடத்திலும், தென் கொரியா 10-ஆவது இடத்திலும் உள்ளன.
இந்தியாவிற்கு 52ஆம் இடம்
‘ஹெல்த்கேர்’ துணைப்பிரிவில் இந்தியா 14-ஆவது இடத்தை பிடித் திருந்தாலும், வாழ்க்கைத் தரத்தில் இந்தியா 52ஆவது இடத்திலேயே உள்ளது. வெளிநாட்டவர்கள் இந்தியாவில் மருத்துவ சேவையின் மலிவு மற்றும் கிடைப்பதை பாராட்டுகிறார்கள்; இருப்பினும், காற்றின் தரத்தில் இந்தியா 53-ஆவது இடத்தில் உள்ளது.
