புதுடில்லி, ஆக.10– நாடாளுமன்ற மக்களவையில் நேற்று (9.8.2024) தமிழ்நாடு எம்.பி.க்கள் சிலர் தனிநபர் மசோதாக்களை அறிமுகம் செய்தனர். தென் சென்னை தொகுதி எம்.பி. தமிழச்சி தங்கபாண்டியன் 2 மசோதாக்களை அறிமுகம் செய்தார். திடக்கழிவு மேலாண்மை மசோதா-2024 மற்றும் தமிழ்நாட்டுக்கு சிறப்பு நிதி உதவி கோரும் மசோதாக்களை அவர் அறிமுகம் செய்தார்.
வேலூர் தொகுதி எம்.பி. கதிர்ஆனந்த், சிறு, குறு மற்றும் நடுத்தர தொழில்கள் மேம்பாட்டு சட்டத்திருத்த மசோதா மற்றும் தமிழ்நாட்டில் உள்ள வரலாற்று நினைவுச் சின்னங்களை பராமரிக்க சிறப்பு நிதி உதவி கோரும் மசோதா ஆகியவற்றை அறிமுகம் செய்தார்.
