மும்பை, ஆக. 7 கடந்த 2021-இல் மணமுடித்து வாழ்ந்து வந்த மகாராட்டிர மாநிலம் புனே நகரைச் சேர்ந்த ஓர் இளம் இணையர் பரஸ்பர சம்மதத்துடன் அண்மையில் மண விலக்குக் கோரினர். இந்த வழக்கை விசாரித்த மும்பை உயர் நீதிமன்ற நீதிபதி கவுரி கோட்சே அளித்த தீர்ப்பில் கூறியதாவது:
பொதுவாக கணவன்-மனைவி இருவரில் யாரோ ஒருவர் மண விலக்கு பெற வேண்டி நீதிமன்றத்தை நாடும்போது அவர்களுக்கு இடையில் சமரசம் ஏற்படுத்த நீதிமன்றம் முயலும்.
அவ் இணையர் கலந்து பேசி பிரிவதெனத் தீர்க்கமாக முடிவெடுத்த பிறகு அதனை நியாயமான முறையில் நீதிமன்றம் அணுக வேண்டும். இந்த வழக்கில் சம்பந்தப்பட்ட மனுதாரர்கள் இளம் இணையர் என்பதால் அவர் களது மண விலக்கு கோரிக்கையை நிலுவையில் வைப்பதால் அவர்களுக்கு மன வேதனை அதிகரிக்க வாய்ப்புள்ளது.
எனவே இருவரும் மன மொத்து மணவிலக்கு விவாகரத்து கோரும்போது 6 மாத கட்டாய காத்திருப்பு காலத்தைத் தளர்த்தி மன அழுத்தத்திலிருந்து அவர்கள் விடுபட உதவுவது நீதிமன்றத்தின் கடமையாகும்.இவ்வாறு அவர் தீர்ப்பில் கூறினார்.
இந்நிலையில், மண விலக்கு கோரிய இணையருக்கு 6 மாத காத்திருப்பு தேவையில்லை என்று முடிவெடுத்து மணவிலக்கு வழங்கி நீதிபதி உத்தரவிட்டார்.
