மும்பை, பிப்.1- மகாராட்டிரா மாநிலத்தில் பிரகாஷ் அம் பேத்கரின் வஞ்சித் பகுஜன் அகாதி கட்சியும் ‘இந்தியா’ கூட்டணியில் புதிதாக இணைந்துள்ளது.
வரும் நாடாளுமன்ற தேர்தலில் ஒன்றிய பா.ஜ.க. அரசை வீழ்த்த, எதிர்க்கட்சிகள் இணைந்து ‘இந்தியா’ கூட்டணியை அமைத்துள்ளன.
இக்கூட்டணியில் காங்கிரஸ், ஆம்ஆத்மி, தி.மு.க., சமாஜ்வாதி, ராஷ்டிரிய ஜனதா தளம், தேசியவாத காங்கிரஸ், திரிணாமுல் காங்கிரஸ், இடதுசாரிகள் உள்ளிட்ட பல்வேறு முக்கிய கட்சிகள் இடம்பெற்றுள்ளன. இந்த நிலையில், ‘இந்தியா’ கூட்டணியில் மகாராட்டிரா மாநிலத் தைச் சேர்ந்த வஞ்சித் பகுஜன் அகாதி கட்சி புதிதாக இணைந்துள்ளது.
இது தொடர்பாக அக்கட்சியின் தலைவரும், டாக்டர் அம்பேத்கரின் பேரனுமான பிரகாஷ் அம்பேத்கர் வெளியிட்டுள்ள அறிவிப்பில், ‘‘வஞ்சித் பகுஜன் அகாதி, ‘இந்தியா’ கூட்டணியில், காங்கிரஸ், தேசியவாத ஆகிய கட்சிகளுடன் இணைந்து நாடாளுமன்றத் தேர்தலில் போட்டியிடும்” என்று தெரிவித்துள்ளார்.
இதனை தொடர்ந்து, மகாராட்டிரா மாநில இந்தியா கூட்டணிக் கட்சிகளின் ஆலோசனைக் கூட்டம் நாளை (2-2-2024)நடைபெறுகிறது.
