தமிழ்நாடு – கருநாடக எல்லை யான தாளவாடியை அடுத்த கும்டாபுரம் பீரேஸ்வரர் கோயிலில் ஒருவர் மீது ஒருவர் சாணத்தை வீசும் பாரம்பரிய திருவிழா என்று ஏராளமான இளைஞா்கள் பங்கேற்று கடவுளை வழிபட்டனராம்.
ஈரோடு மாவட்டம், தாள வாடியை அடுத்த கும்டாபுரத்தில் 300 ஆண்டுகள் பழைமை வாய்ந்த பீரேஸ்வரா் கோயில் உள்ளது. இக்கோயிலில் ஆண்டுதோறும் தீபாவளிக்கு அடுத்து வரும் 3-ஆம் நாளில் சாணியடி திருவிழா என்று நடைபெறுவது வழக்கம்.
இந்த ஆண்டுக்கான இந்த விழா கோயிலில் சிறப்பு பூஜைகளுடன் 11.11.2026 அன்று தொடங்கியது. இதற்கென மாட்டுப்பட்டியில் உள்ள அனைத்து பசு சாணங்களும் சேகரிக்கப்பட்டு கோயிலுக்குப் பின்புறம் குவித்து வைக்கப்பட்டன.
இதைத் தொடர்ந்து, விழா கமிட்டியினர் ஊர் எல்லையில் உள்ள குளத்தில் சிறப்பு பூஜைகள் செய்து கழுதைக்கு மாலை அணிவித்து மேள தாளத்துடன் பக்தர்கள் சூழ ஆரவாரத்துடன் விழா நடைபெறும் இடத்துக்கு அழைத்து வரப்பட்டன. அங்கு குவித்துவைக்கப்பட்டிருந்த சாணத்துக்கு ஊா்பெரியவா்கள் சிறப்பு பூஜைகள் செய்து விழாவை தொடங்கிவைத்தனா்.
இதையடுத்து, இளைஞா்கள் ஒருவர் மீது ஒருவர் சாணத்தை வீசியெறிந்து இந்தப் பாரம்பரிய விழாவைக் கொண்டாடினராம். இதில் சிறுவர், இளைஞர்கள், முதியோர் என அனைவரும் பங்கேற்றனர். இந்த விழாவில் பெண் களும் பங்கேற்று பக்தர்களை கை தட்டி உற்சாகப் படுத்தினராம். விழா நிறைவுக்குப் பின் பக்தர்கள் குளத்தில் நீராடிவிட்டு பீரேஸ்வரரை வழிபட்டனராம். பக்தா்கள் வீசியெறிந்த சாணத்தை கிராமமக்கள் தங்களது விவசாய நிலங்களில் உரமாக இடுவதால் விவசாயம் செழிக்கும் என்பது அவர்களது நம்பிக்கையாம்.
இந்தப் பாரம்பரிய விழாவில் மைசூரு, பெங்களூரு, தாவணிகரே, சாம்ராஜ் நகர், கொள் ளேகால் ஆகிய பகுதிகளில் இருந்து கருநாடக பக்தர்களும் குடும்பத்துடன் பங்கேற்றனர்.
