வடக்குத்து, அக்.29- வடக்குத்து அண்ணா கிராமம் பெரியார் படிப்பக வாசகர் வட்டத்தின் சார்பில் கடலூர் மாவட்ட மேனாள் கழக மகளிரணித் தலைவர் இரா.சீனியம்மாள் 8ஆம் ஆண்டு நினைவேந்தல் நிகழ்வை ஒட்டி பெரியா ரியல் விளக்க பரப்புரைக் கூட்டம் 27.10.2026 அன்று மாலை 6:00 மணி முதல் எட்டு முப்பது மணி வரை மாவட்ட பகுத்தறிவாளர் கழக அமைப்பாளர் தர்மலிங்கம் தலைமையில் மாவட்டத் தலைவர் தண்டபாணி, மாவட்ட துணைத் தலைவர் மணிவேல், பொதுக்குழு உறுப்பினர் தாமோதரன் முன்னிலையில் நடைபெற்றது.
மாவட்ட கழக இளைஞரணிச் செயலாளர் டிஜிட்டல் ராமநாதன் வரவேற்புரை ஆற்றினார். மறைந்த சீனியம்மாள் குடும்பத்தினர் மகன் பகுத்தறிவு, சந்திரபாபு மற்றும் தங்க பாஸ்கர் கனகராசு, திருநாவுக்கரசு, ராஜேந்திரன் உரையாற்றினர்.
கழகப் பொதுச் செயலாளர் முனைவர் துரை சந்திரசேகரன் சிறப்புரை ஆற்றினார். வடலூர் நகர கழக அமைப்பாளர் முருகன் மேனாள் இளைஞர் அணி பொறுப்பாளர் வேலு, நெய்வேலி பாவேந்தர் விரும்பி, வடக்குத்து பாஸ்கர், ஊடக வியலாளர் திராவிடன், வடலூர் கலைச்செல்வி, திமுக தோழர்கள் கோபால், சந்திரமோகன் ஆகியோர் நிகழ்ச்சியில் பங்கேற்று சிறப்பித்தனர். முடிவில் ஒன்றியத் தலைவர் கனகராசு நன்றி கூறினார். இந்நிகழ்ச்சி பெரியார் படிப்பக வாசகர் வட்டத்தின் 106ஆம் மாத நிகழ்வாகும்.
