குமரி மாவட்டத்தில் விழிப்புணர்வுத் துண்டறிக்கைகள்

குமரி மாவட்ட கழகம் சார்பாக பகுத்தறிவு விழிப்புணர்வு பிரச்சாரம் கன்னியாகுமரி கொட்டாரத்தில் நடைபெற்றது. தந்தை பெரியார். தமிழர் தலைவர் ஆசிரியர் கி.வீரமணி ஆகியோர் எழுதிய பகுத்தறிவு நூல்கள், பகுத்தறிவு சிந்தனைகள் அடங்கிய துண்டறிக்கைகள் பொது மக்களுக்கு வழங்கப்பட்டன. இந்த நிகழ்ச்சிக்கு கன்னியாகுமரி மாவட்ட கழகச் செயலாளர் கோ. வெற்றிவேந்தன் தலைமை தாங்கினார். கழக பொதுக் குழு உறுப்பினர் மு.இராஜசேகர் முன்னிலை வைத்தார். கழக பேச்சாளர் பொன்.அருண்குமார் இந்த பிரச்சாரத்தினை தொடங்கி வைத்தார். மாவட்ட துணைச் செயலாளர் எஸ்.அலெக்ஸாண்டர், பெனிஷ்ராஜா உட்பட ஏராளமானோர் கலந்து கொண்டனர். தந்தை பெரியார், தமிழர் தலைவர் வீரமணி அவர்களின் சிந்தனைகள் அடங்கிய நூல்களையும் துண்டறிக்கைகளையும் பொதுமக்கள் ஆர்வமுடன் கருத்தூன்றி படித்தனர்.