டெக்கான் கிரானிக்கல், சென்னை:
* ‘கரப்பான்பூச்சி ஜனதா கட்சி’ ஆதரவு அதிகரிக்கும் நிலையில், எக்ஸ் தளம் முடக்கம்; புது கணக்கை தொடங்கினார் அமெரிக்காவின் பாஸ்டன் பல்கலைக்கழக பட்டதாரி நிறுவனர் திப்கே.
* தமிழ்நாடு அமைச்சரவை விரிவாக்கம்: 23 பேர் புதிய அமைச்சர்களாக பதவியேற்பு: 4 பெண்களுக்கு இடம்: 19 மாவட்டங்கள் புறக்கணிப்பு. தமிழ்நாட்டில் 74 ஆண்டுகளுக்குப் பிறகு, கூட்டணி ஆட்சி அமைந்துள்ளது.
டெக்கான் கிரானிக்கல், அய்தராபாத்:
* பெண்கள் இட ஒதுக்கீடு மசோதா நிறைவேற்றிட உடனடியாக நாடாளுமன்ற சிறப்புக் கூட்டத்தை கூட்டுக, தெலங்கானா முதலமைச்சர் ரேவந்த் வலியுறுத்தல்.
* அனைத்து மதரசாக்களிலும் வந்தே மாதரம் கட்டாயம்: மேற்கு வங்க பா.ஜ.க. அரசு உத்தரவு
தி இந்து:
* புதிய யோசனைகள் தீர்ந்து விட்டன; பிரதமர் மோடி அரசிடம் பொருளாதார அறிவு இல்லை: காங்கிரஸ் விமர்சனம்.
தி டெலிகிராப்:
* ’கரப்பான் பூச்சி ஜனதா கட்சி’ திடீர் எழுச்சிக்கு, அரசியல் மீதான இளைஞர்களின் விரக்தியே காரணம் – எதிர்க்கட்சித் தலைவர்கள் கருத்து. தலைமை நீதிபதி விமர்சனத்தை தொடர்ந்து ‘கரப்பான்பூச்சி ஜனதா கட்சி’ பெயரில் புதிய கட்சி இணையத்தில் தொடக்கம்: 6 நாளில் 1.55 கோடி இளைஞர்கள் இணைந்தனர்.
டைம்ஸ் ஆப் இந்தியா:
* ‘தர்மேந்திர பிரதான் பதவி விலகும் வரை ஓயமாட்டோம்’ – நீட் வினாத்தாள் கசிவு மற்றும் போராட்டக்காரர்கள் மீதான காவல்துறை நடவடிக்கை குறித்து ஒன்றிய அரசைச் சாடும் ராகுல் காந்தி.
– குடந்தை கருணா
