சென்னை. ஏப். 28- தமிழ் நாடு அரசியல் களத்தில் தீவிரமாகச் செயல்பட்டு வரும் தமிழ்நாடு வெற்றிக் கழகத் தலைவர் விஜய்க்கு, குழந்தை உரிமைகள் கண்காணிப்பகம் (Child Rights Observatory) கடும் கண்டனம் தெரிவித்துள்ளது.
சமீபத்தில் விஜய் வெளியிட்ட காணொலி ஒன்றில், குழந்தைகள் தங்கள் பெற்றோரிடம் அடம்பிடித்தாவது தனக்கு (த.வெ.க.-விற்கு) வாக்களிக்கச் செய்ய வேண்டும் என்று கோரிக்கை விடுத்திருந்தார். இந்தச் செயல் தற்போது பெரும் சர்ச்சையை ஏற் படுத்தியுள்ளது.
கண்டனத்திற்கான முக்கிய காரணங்கள்:
குழந்தை உரிமைகள் கண்காணிப்பகம் முன் வைத்துள்ள முக்கிய குற்றச் சாட்டுகள் ஜனநாயகத்திற்கு எதிரானது: மழலை மாறாத குழந்தைகளைப் பயன்படுத்தி வாக்காளர் களைக் கவர முயற்சிப்பது ஆரோக்கியமான ஜனநாய கத்திற்கு அழகல்ல.
அரசியலில் முடி வெடுக்கும் அதிகாரம் இல்லாத குழந்தைகளை, அரசியல் லாபத்திற்காக ஒரு கருவியாகப் பயன் படுத்துவது அவர்களின் உரிமைகளை மீறுவதாகும்.
குழந்தைகளை முன் னிலைப்படுத்தி அல்லது குழந்தைகளை வைத்து அரசியல் காட்சிப்பதிவுகள் உருவாக்குவதை விஜய் உடனடியாக நிறுத்த வேண்டும். இந்தச் செயலுக்காக நடிகர் விஜய் பொதுமக்களிடம் பகிரங்கமாக மன்னிப்பு கேட்க வேண்டும் என அவ்வமைப்பு வலியுறுத்தி யுள்ளது.
தேர்தல் ஆணையத்தின் விதிகளின்படி, அரசியல் பிரச்சாரங்களில் குழந்தை களைப் பயன்படுத்துவது ஏற்கெனவே தடை செய்யப்பட்டுள்ள நிலையில், விஜய்யின் இந்த அணுகுமுறை அரசியல் வட்டாரத்தில் விவாதப் பொருளாகியுள்ளது.
