சென்னை, பிப்.3- சென்னை பெருநகரம் சுற்றி பல்வேறு தொழிற்சாலைகள் மூலம் வேலைவாய்ப்புகள் அதிகரித்து அதில் பணியாற்றி வரும் மக்களின் வீட்டு வசதி தேவைகள் அதிகரித்து வருவதால் பல்வேறு குடியிருப்புத் திட்டங்கள் உருவாகி வருகிறது.
நகர்ப்புர மக்களின் வாழ்விட குடியிருப்புகளை ஏற்படுத்தித் தரும், தரமான கட்டுமானம், வாடிக்கையாளரை மய்யமாகக் கொண்ட வளர்ச்சி ஆகியவற்றிற்காக அறியப்பட்ட, வேகமாக வளர்ந்து வரும் கட்டுமான நிறுவனமாகிய டேக் டெவலப்பர்ஸ், புகழ் பெற்ற பன்னாட்டு இசைக் கலைஞருமாகிய மேஸ்ட்ரோ ஏ.ஆர்.ரஹ்மான் முன்னிலையில் சுமார் 1,000 புதிய வீடுகள் கொண்ட அய்ந்து குடியிருப்புத் திட்டங்கள் சென்னையில் அறிமுகப்படுத்தப்பட்டன.
இக்குடியிருப்புத் திட்டங்கள், போரூர் அருகேயுள்ள காட்டுப்பாக்கம், சென்னை – பெங்களூர் தேசிய நெடுஞ்சாலையில் உள்ள சுங்குவார் சத்திரம், போரூர் இராமச்சந்திரா மருத்துவமனைக்கு அருகேயுள்ள குமணன்சாவடி, ஓ.எம்.ஆர்.-இல் உள்ள சோழிங்கநல்லூர் மற்றும் சிறுசேரி ஆகிய இடங்களில் கட்டப்படவுள்ளன என இந்நிறுவனத்தின் மேலாண் இயக்குநர் எஸ்.சதீஷ்குமார் தெரிவித்துள்ளார்.
