புதுடில்லி, டிச.23 டில்லியில் பாஜக கவுன்சிலர் ரேணு சவுத்ரி, ஆப்பிரிக்க கால்பந்து பயிற்சியாளர் ஒருவரை ஒரு மாதத்திற்குள் ஹிந்தி கற்றுக்கொள்ள வேண்டும் என்று கூறியது பெரும் சர்ச்சையை ஏற்படுத்தியுள்ளது.
எக்ஸ் தளத்தில் பகிரப்பட்டு வரும் காட்சிப் பதிவில் உள்ளூர் குழந்தைகளுக்கு கால்பந்து பயிற்சி கொடுத்துக் கொண்டிருந்த ஆப்பிரிக்க பயிற்சியாளரிடம், நீங்கள் ஏன் ஹிந்தி கற்கவில்லை என கேள்வி எழுப்பினார். அவர் அதற்கு பதிலளிக்காததால், நான் சொல்வதை நீங்கள் சீரியஸாக எடுத்துக்கொள்ளவில்லை. நீங்கள் ஏன் ஹிந்தி கற்கவில்லை? ஒரு மாதத்திற்குள் ஹிந்தி கற்றுக்கொள்ள வேண்டும்.
இல்லையென்றால் டில்லியை விட்டு வெளியேற வேண்டும். நீங்கள் இங்கே பணம் சம்பாதிக்கிறீர்கள் என்றால், ஹிந்தியும் பேசக் கற்றுக் கொள்ளுங்கள்” எனப் பேசியுள்ளார். மேலும் மற்றொருவரிடம் (பூங்காவின் காவலாளியா என்பது சரியாக தெரியவில்லை) நான் உங்களுக்குச் சொல்கிறேன், பூங்கா இரவு 8 மணிக்குள் மூடப்பட வேண்டும். இல்லையெனில் ஏதேனும் குற்றச் செயல் நடந்தால், நீங்கள்தான் பொறுப் பேற்க வேண்டும் எனக் கூறினார்,.
இந்த காணொலி வெகுவாகப் பரவி ரேணு சவுத்ரிக்கு பெரும் கண்டனம் எழுந்தது. இதனையடுத்து காணொலி தொடர்பாக விளக்க மளித்த அவர், பூங்காவிலும், அதைச் சுற்றியுள்ள பகுதிகளிலும் போதைப்பொருள் தொடர்பாக தனக்குப் பலமுறை புகார் வந்தது. அதனால்தான் தான் பூங்காவிற்கு வந்தேன். ஆனால், யாரையும் அச் சுறுத்தும் நோக்கம் தனக்கு இல்லை. தகவல்தொடர்பை எளிதாக்க ஹிந்தி மொழியை கற்றுக்கொள்ள வேண் டும் என அறிவுறுத்தினேன்” என தெரிவித்துள்ளார்.
