18 வயதை அடைந்த ஆணும் பெண்ணும் சேர்ந்து வாழலாம் ராஜஸ்தான் உயர்நீதிமன்றம் தீர்ப்பு

ஜெய்ப்பூர், டிச.14 ராஜஸ்தான் மாநிலம் கோட்டா நகரத்தைச் சேர்ந்த 18 வயது பெண்ணும் 19 வயது ஆணும் தங்களுக்குப் பாதுகாப்பு வழங்கும்படி ராஜஸ்தான் உயர் நீதிமன்றத்தை அணுகினர். இவர்கள் இருவரும் திருமணம் புரியாமல் லிவ் – இன் டு கெதர் முறைப்படி சேர்ந்து வாழ்வதால்,பெண்வீட்டார் தன்னைக் கொன்றுவிடுவதாக மிரட்டுவதாக கோட்டா காவல்நிலையத்தில் அந்த இளைஞர் புகார் கொடுத்தார். புகார் மீது நடவடிக்கை எடுக்கப்படாததையும் தன் மனுவில் அவர் குறிப்பிட்டிருந்தார். திருமண வயதை எட்டாத இருவர் சேர்ந்து வாழ்வது தவறு என்கிற அரசுத் தரப்பு வாதத்தை நீதிபதி அனூப் தள்ளுபடி செய்தார். “18 வயதைக் கடந்த இருவர் சேர்ந்து வாழ்வது அரசமைப்புச் சட்டத்தின்படி அவர்களது தனியுரிமை. அவர்களுக்குப் பாதுகாப்பு வழங்க வேண்டியது மாநிலத்தின் கடமை” என நீதிபதி தீர்ப்பளித்தார்.