மின்தடையா? புகார் தெரிவிக்க தொடர்பு எண் அறிவிப்பு

சென்னை, நவ.30– சென்னை மின்வாரிய தலைமை அலுவலகத்தில் 24 மணி நேரமும் செயல்பட்டு வரும் சென்னை மாநகர மின்பகிர்மான கட்டுப்பாட்டு அறை மற்றும் நுகர்வோர் குறைதீர்ப்பு மய்யமான மின்னகம் ஆகியவற்றில் மின்வாரியத்தலைவர் டாக்டர் ஜெ.ராதாகிருஷ்ணன் நேற்று (29.11.2025) ஆய்வு மேற்கொண்டு அதிகாரிகளுக்கு உரிய ஆலோசனை வழங்கினார். அவர் கூறியதாவது:- மின்சேவைகள், மின்கம்பி அறுந்து தொங்கிக்கொண்டிருந்தாலோ, மின்கம்பங்கள் உடைந்திருந்தாலோ, சாய்ந்திருந்தாலோ மற்றும் மின்தடை குறித்த புகார்களுக்கு உடனடியாக 24 மணி நேரமும் செயல்படும் மாநில மின்நுகர்வோர் சேவை மையமான மின்னகத்தை 94987 94987 தொடர்பு கொள்ளுமாறு பொதுமக்கள் கேட்டுக்கொள்ளப்படுகின்றனர். இவ்வாறு அவர் தெரிவித்துள்ளார்.