சென்னை, அக்.21 தமிழ்நாடு மருத்துவ சார்நிலைப் பணியின் கீழ் வரும் பல் மருத்துவ உதவியாளர் பதவியில் 39 காலி பணியிடங்களை நேரடி நியமன முறையில் நிரப்ப இணையம் வழியாக விண்ணப்பங்கள் வரவேற்கப்படுகின்றன. பிளஸ் 2 (அறிவியல் பாடங்கள்) முடித்துவிட்டு பல் மருத்துவத்தில் டிப்ளமா படிப்பு படித்தவர்கள் இதற்கு விண்ணப்பிக்கலாம். தமிழ்நாடு பல் மருத்துவ கவுன்சிலில் பதிவுசெய்திருக்க வேண்டியது அவசியம்.
தகுதியுடைய நபர்கள் மருத்துவப் பணியாளர் தேர்வு வாரியத்தின் இணையதளத்தை (www.mrb.tn.gov.in) பயன்படுத்தி நவம்பர் மாதம் 2-ஆம் தேதிக்குள் இணைய வழியில் விண்ணப்பிக்க வேண்டும். இவ்வாறு செய்திக்குறிப்பில் தெரிவிக்கப்பட்டுள்ளது.
மொத்த காலி பணியிடங்களில் தமிழ் வழியில் படித்தவர்களுக்கு 20 சதவீத இடஒதுக்கீடு வழங்கப்பட்டுள்ளது. இதற்கு 1-ஆம் வகுப்பு முதல் நிர்ணயிக்கப்பட்ட கல்வித் தகுதியான பல்மருத்துவ டிப்ளமா படிப்பு வரை தமிழ் வழியில் படித்திருக்க வேண்டும் என்பது குறிப்பிடத்தக்கது.
