அது ஒரு நகர்புற பகுதி. சாமானிய மக்களும் தொழிலாளர்களும் வாழ்ந்து வருகின்ற ஒரு சிறிய பகுதி. இயற்கை உபாதைகளுக்கு போதுமான, சரியான கழிப்பிட வசதி குறைவாக இருப்பதால் மக்கள் தினந்தோறும் அவதிப்படுகிறார்கள். பெண்கள் அனுதினமும் இயற்கை உபாதைகளுக்காக ஒதுங்குவதற்கு ஆபத்தான ரயில்வே பாதைகளை தினந்தோறும் தேர்ந்தெடுக்கிறார்கள். இந்த மாதிரி சூழலில் சாமியார் ஒருவர் மதங்களின் பெருமைகளையும், மாதந்தோறும் வருகின்ற பண்டிகை திருவிழாக்கள் பற்றிய சிறப்பையும் அவ்வப்போது எடுத்துச் சொல்கிறார். ஒரு நாள் அந்தப் பகுதியில் இருந்த ராமசாமி கோயிலை இடித்து விட்டதாக செய்தி பரவுகிறது. சாமியார் தொலைபேசியில் வட இந்திய தீவிர ஹிந்து பிரமுகரிடம் ஆலோசனை கேட்க அவரும் பகுதி மக்களிடம் வசூல் செய்து ராமசாமி கோவிலை மீண்டும் அழகாக கட்டி முடிக்க ஆலோசனை வழங்குகிறார். கோவில் கட்ட பண வசூல் செய்யும் பொறுப்பு மணி என்பவரிடம் அளிக்கப்படுகிறது அவரும் தீவிரமாக வசூல் வேட்டையில் ஈடுபடுகிறார். ஒரு நாள் மணியின் மகன் தெருவில் உள்ள பைப்பில் வாளியில் தண்ணீர் பிடிக்க அவசரமாக திறக்கிறான். தண்ணீர் வரவில்லை. கக்கூஸ் போகும் அவசரத்திற்கு அவன் அம்மாவிடம் போய் பக்கெட் இல் தண்ணீர் கேட்கிறான். அவனுடைய அவசரத்தை அந்த தாய் புரிந்து கொண்டாலும் கிண்டலாக நீ படித்து பெரியவனாகி கக்கூஸ் உள்ள வீடாக கட்டிக் கொள்ளடா என்கிறாள். அப்பாதான் கோயில் கட்ட காசு வசூல் பண்றாரு இல்ல. அதுல கக்கூஸ் கட்ட வேண்டியதுதானே என்கிறான் பையன்…
பையனின் தந்தை மணி கோயில் கட்ட வசூல் செய்த பணத்தில் கோயில் கட்டுகிறாரா இல்லை அந்தப் பகுதி மக்களின் இயற்கை உபாதைகளுக்கு அன்றாடம் தேவைப்படும் கக்கூஸ் கட்டுகிறாரா என்பதை Solution( தீர்வு) என்ற 12 நிமிட குறும்படம் அருமையாக விளக்குகிறது. சின்னையா முரளிதரன் இயக்கத்தில் இந்த குறும்படத்தை Periyar Vision OTT இல் கண்டு சிந்தியுங்கள்.
– P. வரதராஜன், கும்மிடிப்பூண்டி
– ஜி.பி. வாணன்
திருவொற்றியூர், சென்னை – 19
Periyar Vision OTT-இல் காணொலிகளைப் பார்த்து விமர்சனம் எழுதி [email protected] என்ற மின்னஞ்சல் முகவரிக்கு அனுப்புங்கள். உங்கள் விமர்சனங்கள் ‘விடுதலை’ நாளிதழிலும், Periyar Vision OTT-இன் சமூக வலைதளப் பக் கங்களிலும் வெளியிடப் படும்.
சமூகநீதிக்கான உலகின் முதல் OTT எனும் பெருமைக்குரிய ‘Periyar Vision OTT’-இல் சந்தா செலுத்தி பகுத்தறிவுச் சிந்தனையூட்டும் அனைத்துக் காணொலிகளையும் விளம்பரமின்றிப் பார்த்து மகிழுங்கள்!
உங்களுக்கான சிறப்புச் சலுகைகளை தெரிந்து கொள்ள periyarvision.com/subscription பக்கத்திற்குச் செல்லுங்கள்! இணைப்பு : periyarvision.com
