சென்னை, மே 21 – சென்னையில் உணவகங்களை நடத்தி வரும் ஜி.வி.ஆர். ஃபுட்ஸ் நிறுவனம் விருந் தோம்பல் துறையில் மாணவர்களுக்கு பயிற்சி அளிக்க மணிப்பால் பல்கலைக்கழகத்தின் ஒட்டல் மேலாண்மை பயிற்சிப் பள்ளியுடன் ஒப்பந்தம் செய்து கொண்டுள்ளது.
மணிப்பால் நிகர்நிலை பல்கலைக்கழகம் அய்.டி.சி. ஓட்டல்களின் ஒரு பிரிவான வெல்கம் குரூப் உடன் இணைந்து இந்தக் கல்வி நிறுவனத்தை நடத்தி வருகிறது. சென்னை வேளச்சேரி உள்ளிட்ட பல்வேறு இடங்களில் கிளைகளை கொண்டுள்ள கீதம் உணவகத்தைப் பொறுத்த வரையில், இந்த ஒப்பந்தமானது, தமது உணவுப் பட்டியலில், புதுமையான உணவு வகைகளை அறிமுகப் படுத்தவும், பயிற்சி, கூட்டு-ஆராய்ச்சிக்கும் உதவும் என கருதுகிறது. ஆராய்ச்சிக் கட்டுரைகள் வெளியிடுதல் ஆகியவற்றின் மூலம் 150 பேர் கொண்ட சமையல் நிபுணர் குழுவிற்கு பணி சார்ந்த மேம்பாட்டிற்கும், தொழில் நுணுக்கத்தை எளிதாக்கு வதற்கும் உதவும் என்றும் அந்நிறுவனம் கருதுகிறது.
முன்னதாக இந்த ஒப்பந்தத்தில் ஜி.வி.ஆர். ஃபுட்ஸ் நிர்வாக இயக்குநர் நாராயண ராவ் முரளி மற்றும் டபிள்யூ. ஜி.எஸ்.எச்.ஏ.-வின் முதல்வர் டாக்டர் செஃப் கே. திருஞானசம்பந்தம் ஆகியோர் கையெழுத்திட்டனர்.