லோக் நாயக் ஜெயபிரகாஷ் நாராயணன்

சமூகநீதி பொதுவுடமை கருத்து களுக்கான அரசியலை புதிய கோணத்தில் துவக்கியவர்.

ஜெயபிரகாஷ் நாராய ணன் சுருக்கமாக ஜெ.பி (JP) என்று அழைக்கப்
படுபவர், ஒரு புகழ்பெற்ற இந்திய அரசியல் தலைவர், சமூக சிந்தனையாளர் மற்றும் விடுதலைப் போராட்ட வீரர் லோக்நாயக். இவர் ‘மக்களின் தலைவர்’ என்ற பொருளில் லோக்பந்த என்று பிரபலமாக அறியப்
பட்டார்.

சமூக நீதி மற்றும் சமத்துவத்திற்காக வாதாடிய இவர், இந்திய அரசியலில் புரட்சிகரமானவர். பீகார் மாநிலத்தில் உள்ள
சீதாப்தியரா கிராமத்தில் பிறந்தார். (11.10.1902)

விடுதலை இயக்கத்தில் ஈடுபாடு: மவுலானா அபுல் கலாம் ஆசாத்தின் உரையால் ஈர்க்கப்பட்டு,  காந்தியாரின் ஒத்துழையாமை இயக்க அறைகூவலை ஏற்று தனது கல்லூரிப் படிப்பை விட்டு வெளியேறினார். பின்னர் அமெரிக்காவிற்குச் சென்று கலிபோர்னியா, விஸ்கான்சின், மற்றும் ஓஹியோ மாநிலப் பல்கலைக்கழகங்களில் பயின்றார். அங்கு அவர் மார்க்சிய சிந்தனைகளால் பெரிதும் ஈர்க்கப்பட்டார்.

காங்கிரஸ் சோசலிஸ்ட் கட்சி: இந்தியாவில் திரும்பிய பின், இந்திய தேசிய காங்கிரஸின் இடதுசாரி குழுவில் இயங்கினார், பின்னர் காங்கிரஸ் சோசலிஸ்ட் கட்சியை நிறுவிய முக்கிய தலைவர்களில் ஒருவரானார்.

1942 இல் நடந்த வெள்ளையனே வெளியேறு இயக்கத்தின் போது இவர் தீவிரமாகப் பங்கேற்றார் மற்றும் மூத்த தலைவர்கள் கைது செய்யப்பட்டபோது, தலைமறைவாக இருந்து இயக்கத்தை வழிநடத்துவதில் முக்கியப் பங்காற்றினார்.

சுதந்திரத்திற்குப் பிந்தைய பணிகள் மற்றும் முழுமையான புரட்சி

இவர் அரசியல் வாழ்வில் இருந்து விலகி, நிலமற்றோருக்கு நிலத்தைப் பகிர்ந்தளிக்கும் பூமிதான இயக்கம்  போன்ற சமூகப் பணிகளில் ஈடுபட்டார்.

1970களின் மத்தியில், நாட்டில் நிலவிய ஊழல் மற்றும் ஜனநாயக விரோத நடைமுறைகளுக்கு எதிராக மாணவர்களால் பீகாரில் தொடங்கப்பட்ட இயக்கத்திற்கு இவர் தலைமை தாங்கினார்.

முழுமையான புரட்சி (Total Revolution): இந்த இயக்கத்தின் போதுதான் இவர் “முழுமையான புரட்சி” (Sampoorna Kranti) என்ற முழக்கத்தை
முன்வைத்தார்.

இது சமூக, பொருளாதார, அரசியல், கலாச்சார மற்றும் கல்வித் துறைகளில் மாற்றத்தைக் கோரிய ஒரு விரிவான மக்கள் இயக்கமாக இருந்தது.

இந்திய ஜனநாயகத்தின் மீதான இவரது அசைக்க முடியாத நம்பிக்கையும், ஒடுக்கப்பட்ட மக்களுக்கான இவரது இடைவிடாத போராட்டமும் இவரை நாட்டின் வரலாற்றில் ஒரு தவிர்க்க முடியாத தலைவராக நிலை நிறுத்தியுள்ளது. ஈரோட்டில் தந்தை பெரியாரைச் சந்தித்து தமது காங்கிரஸ் சோச
லிஸ்ட் கட்சிக்கு அழைப்பு விடுத்தவரும் ஆவார்.