மும்பை செப்.15- இந்திய தொழிலதிபர் முகேஷ் அம்பானி அமெரிக்காவின் நியூயார்க் நகரில் ரூ.153 கோடிக்கு சொகுசு வீட்டை வாங்கி உள்ளார். அமெரிக்காவின் நியூயார்க் நகரில் ட்ரிபெகா என்ற பகுதி உள்ளது. இது பெரும் பணக்காரர்கள் வசிக்கும் பகுதி ஆகும். சொகுசுவீடு அங்குள்ள ஹூபர்ட் சாலையில் இந்திய தொழிலதிபர் முகேஷ் அம்பானி ரூ.153.59 கோடிக்கு சொகுசு வீட்டை வாங்கி உள்ளார்.
அமெரிக்காவின் யுபிக்விட்டி நிறுவனத்தின் தலைவர் ராபர்ட் பெரா கடந்த 2018ஆம் ஆண்டில் ட்ரிபெகாவில் உள்ள வீட்டை வாங்கினார். தற்போது அவரிடம் இருந்து முகேஸ் அம்பானி வீட்டை வாங்கி உள்ளார்.
இது 17,000 சதுர அடி கொண்ட சொகுசு வீடு ஆகும். இந்த வீட்டில் கூடைப்பந்து மைதானம் உள்ளிட்ட பல்வேறு வசதிகள் உள்ளன. அமெரிக்காவின் நியூயார்க் நகரில்
முகேஸ் அம்பானிக்கு சொந்தமாக ஒரு விடுதி உள்ளது.
மாண்டரின் ஓரியன்டல் என்ற பெயருடைய அந்த விடுதியை கடந்த 2022ஆம் ஆண்டில் ரூ.866 கோடிக்கு முகேஸ் வாங்கினார்.
மேலும் அவருக்கு சொந்தமாக நியூயார்க் நகரில் ஒரு வீடு இருந்தது. அந்த வீட்டை கடந்த 2023ஆம் ஆண்டில் அவர் விற்பனை செய்துவிட்டார்
