கீவ், ஆக. 1- உக்ரைன் மீதான ரஷ்யாவின் தொடர்ச்சியான தாக்கு தல்களில் எட்டு பேர் உயிரிழந்தனர், மேலும் 10 குழந்தைகள் உட்பட 82 பேர் படுகாயம் அடைந்தனர். சமீபத்திய தாக்குதல்கள் உக்ரைனின் பல்வேறு பகுதிகளைக் குறிவைத்து நடத்தப்பட்டுள்ளன.
உக்ரைனின் முக்கிய நகரங்கள் மற்றும் குடியிருப்புப் பகுதிகள் மீது ரஷ்ய படைகள் தாக்குதல் நடத்தின. இதில் கார்கிவ், தினிப்ரோ, ஜபோரிஜியா போன்ற நகரங்கள் கடுமையாகப் பாதிக்கப்பட்டுள்ளன.
10 குழந்தைகள் படுகாயம்
இந்தத் தாக்குதல்களில் எட்டு பேர் கொல்லப்பட்டதாக உக்ரைன் அதிகாரிகள் உறுதிப்படுத்தியுள்ளனர். மேலும், 10 குழந்தைகள் உட்பட 82 பேர் காயமடைந்துள்ளனர். காயமடைந்தவர்களில் பலர் மருத்துவமனைகளில் சிகிச்சை பெற்று வருகின்றனர்.
ஏவுகணைத் தாக்குதல்
ரஷ்ய ஏவுகணைகள் மற்றும் ஆளில்லா விமானங்கள் குடியிருப்பு கட்டிடங்கள், மருத்துவ மனைகள், பள்ளிகள் மற்றும் பிற உட்கட்டமைப்புகளைத் தாக்கி யுள்ளன. பல கட்டிடங்கள் இடிந்து விழுந்தன அல்லது கடுமையான சேதங்களுக்கு உள்ளாயின. மின்சாரம் மற்றும் நீர் விநியோகம் பல பகுதிகளில் பாதிக்கப்பட்டுள்ளது. உக்ரைன் அதிபர் வோலோடிமிர் ஜெலென்ஸ்கி, ரஷ்யாவின் இந்தத் தாக்குதல்களைக் கடுமையாகக் கண்டித்துள்ளார். “ரஷ்யா மீண்டும் ஒருமுறை அப்பாவி பொதுமக்கள் மீது காட்டுமிராண்டித்தனமான தாக்குதல்களை நடத்தியுள்ளது. இது ஒரு பயங்கரவாதச் செயல்” என்று அவர் கூறியுள்ளார்.
காயமடைந்தவர்களுக்கு உதவவும், பாதிக்கப்பட்ட பகுதி களில் மீட்புப் பணிகளை மேற் கொள்ளவும் அவசரக் குழுக்கள் அனுப்பப்பட்டுள்ளன.
